నిష్క్రమణ వల్ల 40కోట్ల నష్టం!

తాను స్వీయ దర్శకత్వంలో నిర్మిస్తున్న ‘డాన్‌ 3’ సినిమా విషయంపై నటుడు, దర్శకనిర్మాత ఫర్హాన్‌ అక్తర్‌.. ప్రొడ్యూసర్‌ గిల్డ్‌ ఆఫ్‌ ఇండియాను ఆశ్రయించారు. రణవీర్‌సింగ్‌ కథానాయకుడిగా ఆయన ‘డాన్‌ 3’ చిత్రాన్ని ప్లాన్‌ చేశారు. అయితే.. సృజనాత్మక విభేదాల కారణంగా రణవీర్‌సింగ్‌ ఈ ప్రాజెక్ట్‌ నుంచి అనూహ్యంగా తప్పుకోవడంతో వివాదం నెలకొన్నది.

తాను స్వీయ దర్శకత్వంలో నిర్మిస్తున్న ‘డాన్‌ 3’ సినిమా విషయంపై నటుడు, దర్శకనిర్మాత ఫర్హాన్‌ అక్తర్‌.. ప్రొడ్యూసర్‌ గిల్డ్‌ ఆఫ్‌ ఇండియాను ఆశ్రయించారు. రణవీర్‌సింగ్‌ కథానాయకుడిగా ఆయన ‘డాన్‌ 3’ చిత్రాన్ని ప్లాన్‌ చేశారు. అయితే.. సృజనాత్మక విభేదాల కారణంగా రణవీర్‌సింగ్‌ ఈ ప్రాజెక్ట్‌ నుంచి అనూహ్యంగా తప్పుకోవడంతో వివాదం నెలకొన్నది. రణవీర్‌ నిష్క్రమణ కారణంగా తన సంస్థ ఎక్సెల్‌ ఎంటర్‌టైన్‌మెంట్‌కు 40కోట్ల నష్టం వాటిల్లిందంటూ ప్రొడ్యూసర్‌ గిల్డ్‌ ఆఫ్‌ ఇండియాకు ఫర్హాన్‌ అక్తర్‌ ఫిర్యాదు చేశారు. ఈ విషయంపై జాతీయ మీడియాకు ఇచ్చిన ఇంటర్వ్యూలో ఫర్హాన్‌ అక్తర్‌ మాట్లాడుతూ ‘ఊహించని వాటికి కూడా సిద్ధంగా ఉండాలని నేర్చుకున్నాను.

ఎలాంటి సమస్యలనైనా సునాయాసంగా అధిగమించే పరిపూర్ణత నాకుంది. ఈ సినిమా నిర్మాణం అనుకున్న విధంగా ముందుకు సాగనప్పటికీ అద్భుతమైన కథల్లో ఇదొకటి. ఈ ైస్టెలిష్‌ గ్యాంగ్‌స్టర్‌ యాక్షన్‌ డ్రామా ఎవరిని ఎంచుకుంటే వాళ్లు అదృష్టవంతులు. అద్భుతంగా తీసి తీరతాను’ అంటూ నమ్మకంగా చెప్పారు ఫర్హాన్‌. ఈ విషయంపై రణవీర్‌సింగ్‌ స్పందన వేరేలా ఉంది. ఫర్హాన్‌ ‘డాన్‌ 3’ కంటే ఇతర ప్రాజెక్టులకు ప్రాధాన్యత ఇచ్చారని, ‘ధురంధర్‌’ తర్వాత కూడా ఆయన్ని సంప్రదించానని రణవీర్‌ పేర్కొన్నారు. మరి ఈ వివాదానికి ముగింపు ఏమిటో చూడాలి.