Visit:
Sreeleela | ప్రస్తుతం టాలీవుడ్‌లో దూసుకుపోతున్న హీరోయిన్ శ్రీలీల. ఆమె చేతిలో బోలెడు ఆఫర్లు వున్నాయి. పవన్ కళ్యాణ్, మహేష్ బాబు లాంటి సూపర్ స్టార్స్‌తో చాలా త్వరగానే సినిమాలు చేసే అవకాశం అందుకుంది శ్రీలీల. సినిమాలతో పాటు చదువుని కూడా కొనసాగిస్తుందామె. శ్రీలీల మెడిసిన్ చేస్తున్న సంగతి తెలిసిందే.
అయితే ఇన్ని సినిమాల మధ్య చదువు ఎలా కుదురుతుందనే ప్రశ్నకు చాలా ఆసక్తికరమైన సమాధానం ఇచ్చింది శ్రీలీల. ‘మనిషి ఏదైనా ఒకే పని చేస్తూ పోతే ఒక దశలో విసుగు వచ్చేస్తుంది. డిఫరెంట్ పనులు చేస్తూ వుండాలి. నా వరకూ సినిమాలు, మెడిసిన్ వేరు వేరు. ఈ రెండు అంటే నాకు చాలా ఇష్టం. అదే సమయంలో దేనికవే ప్రత్యేకం. ఒక సినిమాకి డేట్స్ ఇచ్చే ముందే చదివే టైంని ఎలా బ్యాలెన్స్ చేసులోవాలో ఒక అవగాహన వుంటుంది’ అని చెప్పుకొచ్చింది.
‘అంతేకాదు నిజానికి మనం ఇప్పుడు చేస్తున్న పని తక్కువే. ఒకప్పుడు ఎలాంటి వసతులు లేకుండానే ఏడాది పది సినిమాలు చేసిన నటులు వున్నారు. ఇప్పుడన్నీ మన చేతిలో వున్నాయి. ప్రపంచంలో ఎక్కడికైనా ఒక విషయాన్ని కమ్యునికేట్ చేయాలంటే ఒక్క ఫోన్ కాల్‌తో అయిపొయింది. పైగా ఒక రోజు మొత్తం పని చేసినా రాత్రికి ఖచ్చితంగా ఇంటికి వెళ్తాం. చదువుకోవాలనే ఆసక్తి ఉండాలే కానీ ఆ సమయం సరిపోతుంది’ అని తన మనులో మాట పంచుకుంది శ్రీలీల.
