Animal Park | యానిమల్‌ సీక్వెల్‌ అప్పుడేనా.. షూటింగ్‌ ఎప్పుడు స్టార్ట్‌ అవుతుందంటే?

‘యానిమల్‌' సీక్వెల్‌ 2025లోనే రానున్నదా?.. అంటే ఔననే సమాధానమే ఇస్తున్నది బాలీవుడ్‌ మూవీ బజార్‌. దర్శకుడు సందీప్‌ రెడ్డి వంగా తెరకెక్కించిన ‘యానిమల్‌'పై ప్రేక్షకుల నుంచి విభిన్న స్పందన వచ్చింది.

Animal Park | ‘యానిమల్‌’ సీక్వెల్‌ 2025లోనే రానున్నదా?.. అంటే ఔననే సమాధానమే ఇస్తున్నది బాలీవుడ్‌ మూవీ బజార్‌. దర్శకుడు సందీప్‌ రెడ్డి వంగా తెరకెక్కించిన ‘యానిమల్‌’పై ప్రేక్షకుల నుంచి విభిన్న స్పందన వచ్చింది. సినిమాలోని శృంగారం, క్రూరత్వంపై విమర్శకులు మండిపడ్డారు. ఈ నేపథ్యంలో ‘యానిమల్‌’కు సీక్వెల్‌గా ‘యానిమల్‌ పార్క్‌’ పేరుతో మరో చిత్రం రాబోతున్నట్లు ఇప్పటికే చిత్రబృందం ప్రకటించిన విషయం విదితమే. అయితే, ఈ సీక్వెల్‌ నిర్మాణానికి సంబంధించిన తాజా వార్త ప్రేక్షకుల్లో ఆసక్తి రేపుతున్నది.

ఈ ఫిబ్రవరిలోనే సీక్వెల్‌.. రచన దశకు వెళ్తుందని సందీప్‌రెడ్డి వంగా సన్నిహిత వర్గాలు చెబుతున్నారు. తాజా సమాచారం ప్రకారం.. ‘యానిమల్‌ పార్క్‌’ నిర్మాత భూషణ్‌ కుమార్‌ ప్రస్తుతం హీరో ప్రభాస్‌తో ‘స్పిరిట్‌’ చిత్రీకరణ పనులను కొద్ది నెలల్లో ప్రారంభించే పనుల్లో బిజీగా ఉన్నారు. ఈ కారణంగా డైరెక్టర్‌ సందీప్‌ ఇచ్చిన ప్లాట్‌లైన్‌ ఆధారంగా ప్రస్తుతానికి సమయం వృథా కాకుండా సీక్వెల్‌ స్క్రిప్ట్‌ను డెవలప్‌ చేసే పనిలో రైటింగ్‌ టీమ్‌ నిమగ్నం కానున్నది.