Sri Venkateswara Creations | భారీ సాహసానికి పూనుకున్న శ్రీ వెంకటేశ్వర క్రియేషన్స్.. ఒకేసారి నాలుగు క్రేజీ చిత్రాల డిస్ట్రిబ్యూషన్!

Sri Venkateswara Creations | ప్రముఖ తెలుగు చిత్ర నిర్మాణ, పంపిణీ సంస్థ ‘శ్రీ వెంకటేశ్వర క్రియేషన్స్’ (SVC) మరో భారీ సాహసానికి సిద్ధమైంది.

Sri Venkateswara Creations | ప్రముఖ తెలుగు చిత్ర నిర్మాణ, పంపిణీ సంస్థ ‘శ్రీ వెంకటేశ్వర క్రియేషన్స్’ (SVC) మరో భారీ సాహసానికి సిద్ధమైంది. టాలీవుడ్ ప్రముఖ నిర్మాత దిల్ రాజు నేతృత్వంలోని ఎస్‌వీసీ సంస్థ, రాబోయే రోజుల్లో ఏకంగా మూడు భారీ సినిమాల డిస్ట్రిబ్యూషన్ హక్కులను దక్కించుకుని సంచలనం సృష్టించింది. ఒకేసారి నాలుగు భారీ చిత్రాలను ప్రేక్షకుల ముందుకు తీసుకురావడానికి రంగం సిద్ధం చేస్తోంది.

ఈ జాబితాలో దేశవ్యాప్తంగా ఎంతో ఆసక్తిగా ఎదురుచూస్తున్న అత్యంత ప్రతిష్టాత్మక ప్రాజెక్ట్ ‘రామాయణ్’ (Ramayana) తో పాటు, కోలీవుడ్ స్టార్ హీరో సూర్య నటిస్తున్న క్రేజీ మూవీ ‘సీన్’ (Scene) టాలీవుడ్ యువ సామ్రాట్ నాగ చైతన్య నటిస్తున్న సరికొత్త చిత్రం ‘వృషకర్మ’ (Vrushakarma) అలాగే ర‌ష్మిక మంద‌న్నా న‌టించిన మైసా(Mysaa) సినిమాలు ఉన్నాయి. ఈ నాలుగు భారీ ప్రాజెక్టులను ఎస్‌వీసీ సంస్థ పంపిణీ చేయబోతుండటంతో టాలీవుడ్ వర్గాల్లో మరియు సినీ పరిశ్రమలో ఈ వార్త ప్రస్తుతం హాట్ టాపిక్‌గా మారింది. అగ్రశ్రేణి నిర్మాణ సంస్థగా పేరున్న ఎస్‌వీసీ, ఈ చిత్రాల ద్వారా డిస్ట్రిబ్యూషన్ రంగంలో తన హవాను మరింత చాటుకోవడానికి ప్రణాళికలు రచిస్తోంది. రామాయ‌ణ్, సీన్ చిత్రాలు ఈ దీపావ‌ళి కానుక‌గా విడుద‌ల కాబోతుండ‌గా, ర‌ష్మిక మంద‌న్నా మైసా న‌వంబ‌ర్ చివ‌రి వారంలో వృష‌క‌ర్మ డిసెంబ‌ర్‌లో రాబోతుంది.