పాటల పల్లకిలో ‘ఎల్లమ్మ’

తెలంగాణ జానపద కళాకారులు, గ్రామ దేవతల నేపథ్య కథాంశంతో రూపొందుతున్న చిత్రం ‘ఎల్లమ్మ’. ‘బలగం’ ఫేమ్‌ వేణు యెల్దండి దర్శకత్వం వహిస్తున్న ఈ చిత్రాన్ని శ్రీవెంకటేశ్వర క్రియేషన్స్‌ పతాకంపై దిల్‌ రాజు సమర్పణలో శిరీష్‌ నిర్మిస్తున్నారు.

తెలంగాణ జానపద కళాకారులు, గ్రామ దేవతల నేపథ్య కథాంశంతో రూపొందుతున్న చిత్రం ‘ఎల్లమ్మ’.
‘బలగం’ ఫేమ్‌ వేణు యెల్దండి దర్శకత్వం వహిస్తున్న ఈ చిత్రాన్ని శ్రీవెంకటేశ్వర క్రియేషన్స్‌ పతాకంపై దిల్‌
రాజు సమర్పణలో శిరీష్‌ నిర్మిస్తున్నారు. ఈ చిత్రం ద్వారా ప్రముఖ సంగీత దర్శకుడు దేవిశ్రీప్రసాద్‌
కథానాయకుడిగా పరిచయమవుతున్నాడు. ఈ నేపథ్యంలో శుక్రవారం చిత్రబృందం ఇంట్రెస్టింగ్‌ అప్‌డేట్‌ను
వెల్లడించింది. ప్రస్తుతం ఈ సినిమా టైటిల్‌ సాంగ్‌ రికార్డింగ్‌ జరుగుతున్నది.

ఈ పాటకోసం దేశం నలుమూలల నుంచి తీసుకొచ్చిన వంద మంది జానపద రిథమ్‌ ప్లేయర్స్‌ పనిచేస్తున్నారు. చిత్ర హీరో, సంగీత దర్శకుడు దేవిశ్రీప్రసాద్‌ తనదైన శైలిలో జానపద సంగీతంలోని అసలైన వైబ్‌ను ఆవిష్కరిస్తూ ఈ పాటను రూపొందిస్తున్నారు. ఈ పాటను త్వరలో విడుదల చేయబోతున్నారు. ‘ఎల్లమ్మ’ చిత్రం వచ్చే ఏడాది మార్చి 5న ప్రేక్షకుల ముందుకురానుంది.