Visit:
Vijay Devarakonda – Rashmika | విజయ్ దేవ‌ర‌కొండ- రష్మిక మందన్నా జంట గురించి ప్ర‌త్యేకంగా చెప్ప‌న‌క్క‌ర్లేదు. వీరిద్ద‌రు ఆన్‌స్క్రీన్, ఆఫ్‌స్క్రీన్‌లోను తెగ సంద‌డి చేస్తూ ఉంటారు. వారిద్ద‌రు రిలేష‌న్‌లో ఉన్నార‌ని ఎప్ప‌టి నుండో ప్ర‌చారం జ‌రుగుతూ ఉంది. దానికి వారు స‌రైన క్లారిటీ ఇవ్వ‌కుండా ఓ రకంగా దోబూచులాడుతున్నారు. ఫెస్టివల్స్ ని కలిసే సెలబ్రేట్ చేసుకోవ‌డం, వెకేష‌న్స్‌కి కలిసే వెళ్ల‌డం, ఇద్ద‌రిలో ఎవ‌రి బ‌ర్త్ డే అయిన కూడా ఏదో వెకేష‌న్‌కి వెళ్లి అక్క‌డే క‌లిసి సెలబ్రేట్ చేసుకోవ‌డం కొన్నాళ్లుగా చూస్తూనే ఉన్నాం. వీరిద్దరి రిలేష‌న్ గురించి నెట్టింట అనేక ప్ర‌చారాలు సాగుతున్నా ఏ రోజు దానిపై వారు క్లారిటీ ఇవ్వ‌లేదు. తమ ప్రేమ గురించి క్లూ ఇస్తుంటారే త‌ప్ప అఫీషియ‌ల్‌గా మాత్రం ప్ర‌క‌టించరు.
ఇక విజయ్ దేవ‌ర‌కొండ, రష్మిక కాంబినేష‌న్‌లో ప‌లు చిత్రాలు టాలీవుడ్‌లో రూపొందాయి. అవి ఎంత పెద్ద హిట్ సాధించాయో మ‌నంద‌రికి తెలిసిందే. గీత గోవిందం సినిమాతో ఈ జంట మొదటిసారి నటించారు. ఈ మూవీ బ్లాక్ బస్టర్ హిట్ అవ్వడంతో వారికి మంచి పేరు వ‌చ్చింది. ఇక అప్ప‌టి నుండి మంచి ఫ్రెండ్స్ కూడా అయ్యారు. ఆతరువాత వీరిద్దరి కాంబోలో వచ్చిన డియర్ కామ్రేడ్ చిత్రం డిజాస్ట‌ర్‌గా మిగిలింది. ఈ రెండు చిత్రాల త‌ర్వాత విజయ్ దేవ‌ర‌కొండ, రష్మిక క‌లిసి ప‌ని చేసింది లేదు. ప్ర‌స్తుతం విజయ్ దేవ‌ర‌కొండ గౌతమ్ తిన్ననూరి ద‌ర్శ‌క‌త్వంలో కింగ్డమ్ అనే చిత్రం చేస్తున్నారు. ఈ మూవీతో మంచి హిట్ కొట్టాల‌నే క‌సితో ఉన్నాడు.
ఈ చిత్రం త‌ర్వాత మరో టాలెంటెడ్ దర్శకుడు రాహుల్ సంకృత్యాన్ కలయికలో సాలిడ్ ప్రాజెక్ట్ ని విజయ్ చేయనున్నాడు. ఆల్రెడీ ట్యాక్సీవాలా చేసిన ఈ కాంబినేషన్ ఇప్పుడు మరో సినిమా చేసేందుకు సిద్ధం కావ‌డంతో అంచ‌నాలు ఓ రేంజ్‌లో ఉన్నాయి. ఇందులో క‌థానాయిక‌గా ఎవ‌రిని తీసుకుంటారు అనే చ‌ర్చ న‌డుస్తుంది. ఈ క్ర‌మంలో హీరోయిన్ గా నేషనల్ క్రష్ రష్మిక మందన్నా కన్ఫర్మ్ అయ్యింది అంటున్నారు. దర్శకుడు అలాగే నిర్మాణ సంస్థ మైత్రి మూవీ మేకర్స్ ఇచ్చిన లేటెస్ట్ హింట్స్ తో ఇది కన్ఫర్మ్ అయ్యింది. ఇక అధికారిక ప్రకటన ఒక్కటి మాత్రం బాకీ అని అంటున్నారు. ఇదే నిజ‌మైతే ముచ్చ‌టగా మూడోసారి వారు క‌లిసి సంద‌డి చేయ‌నున్నారన్న‌మాట.
