Christmas | ఒకే ఫ్రేమ్‌లో అల్లు, మెగా ఫ్యామిలీ.. పిల్లలతో నయన్‌ దంపతులు.. తారల క్రిస్మస్‌ సెలబ్రేషన్స్‌ చూశారా

Christmas | సోమవారం క్రిస్మస్‌ వేడుకలను ప్రపంచ వ్యాప్తంగా ప్రజలు ఘనంగా జరుపుకున్నారు. చర్చిల్లో ప్రత్యేక ప్రార్థనలు చేశారు. ఈ సందర్భంగా పలువురు సినీ ప్రముఖులు సైతం క్రిస్మస్‌ వేడుకలను ఎంతో ఘనంగా జరుపుకున్నారు.

December 26, 2023 / 01:03 PM IST

Christmas | ఒకే ఫ్రేమ్‌లో అల్లు, మెగా ఫ్యామిలీ.. పిల్లలతో నయన్‌ దంపతులు.. తారల క్రిస్మస్‌ సెలబ్రేషన్స్‌ చూశారా

Christmas | డిసెంబర్‌ వచ్చిందంటే చాలు.. అంతా సంబరాల్లో మునిగిపోతారు. ఎందుకంటే ఈ నెలలో రెండు ప్రత్యేకతలు ఉంటాయి. ఒకటి క్రిస్మస్ (Christmas)‌ కాగా, మరొకటి న్యూఇయర్‌‌ (New Year). తాజగా డిసెంబర్‌ 25వ తేదీన సోమవారం క్రిస్మస్‌ వేడుకలను ప్రపంచ వ్యాప్తంగా ప్రజలు ఘనంగా జరుపుకున్నారు. చర్చిల్లో ప్రత్యేక ప్రార్థనలు చేశారు. ఈ సందర్భంగా పలువురు సినీ ప్రముఖులు సైతం క్రిస్మస్‌ వేడుకలను ఎంతో ఘనంగా జరుపుకున్నారు.

తమ నివాసాల్లో ఏర్పాటు చేసిన క్రిస్మస్‌ ట్రీలతో ఫొటోలు దిగి.. నెట్టింట షేర్‌ చేశారు. ఈ సందర్భంగా ప్రతి ఒక్కరికీ క్రిస్మస్‌ శుభాకాంక్షలు తెలిపారు. ఈ పండుగ ప్రతి ఒక్కరి జీవితాల్లో సంతోషాలను నింపాలని, అంతా శుభమే జరగాలని కోరుకున్నారు. అల్లు, మెగా కుటుంబం క్రిస్మస్‌ వేడుకలను ఘనంగా జరుపుకుంది. రెండు కుటుంబాల్లోని స్టార్స్‌ ఒకచోట చేరి సందడి చేశారు. మరోవైపు దక్షిణాది లేడీ సూపర్‌ స్టార్‌ నయనతార ఇంట క్రిస్మస్‌ వేడుకలను ఘనంగా జరిగాయి. నయన్‌ దంపతులు తమ ఇద్దరు కుమారులు ఉయుర్‌, ఉలగ్‌తో కలిసి వేడుకలను ఎంతో ఉత్సాహంగా జరుపుకున్నారు. అదేవిధంగా స్టార్‌ నటులు పూజా హెగ్దే, కీర్తి సురేశ్‌, కియారా అద్వానీ, రాశీ ఖన్నా, అనుపమా పరమేశ్వరన్‌, స్వరా భాస్కర్‌, జాన్వీ కపూర్‌, సోనమ్‌ కపూర్‌, శిల్పా శెట్టి.. ఇలా సెలబ్రిటీలు షేర్‌ చేసిన కొన్ని ఫొటోలు, వీడియోలు నెటిజన్లను ఎంతో ఆకట్టుకుంటున్నాయి. ఆ ఫొటోలపై ఓ లుక్కేయండి..!