Boys Hostel OTT | 2023 లో వచ్చి కన్నడలో బ్లాక్ బస్టర్ అందుకున్న చిత్రం ‘హాస్టల్ హుడుగారు బేకగిద్దరే’(Hostel Hudugaru Bekagiddare). ఈ సినిమాకు నితిన్ కృష్ణమూర్తి దర్శకత్వం వహించాడు. ఇదే సినిమాను తెలుగులో ‘బాయ్స్ Hostel’ (Boys hostel) అనే పేరుతో విడుదల చేయగా.. ఇక్కడ కూడా మంచి విజయం సాధించింది. ఇదిలావుంటే..ప్రస్తుతం ఈ మూవీ ఓటీటీలోస్ట్రీమింగ్ అవుతుంది. అయితే ఈ సినిమా ఓటీటీలో విడుదలైన ఇప్పటివరకు రికార్డు వ్యూస్ దక్కించుకోలేక పోయింది. దానికి కారణం.. ఈ మూవీ ఓటీటీ ప్లాట్ఫామ్ ఈటీవి విన్లో విడుదల అవ్వడమే. ఈ మూవీని చూద్దాం అనుకున్న ఈటీవి విన్లో ఉండడంతో.. యూజర్లు ఎవరూ ఇంట్రెస్ట్ చూపించలేదు. దీంతో తాజాగా ఈ మూవీ మరో ఓటీటీ ప్లాట్ఫామ్ను వెతుక్కుంది.
తాజాగా ఈ సినిమా ప్రముఖ తెలుగు ఓటీటీ ప్లాట్ఫామ్ ఆహాలో జనవరి 05 నుంచి స్ట్రీమింగ్ కానుంది. ఈ విషయాన్ని ఆహా సోషల్ మీడియాలో రాసుకోచ్చింది. ఇక ఈ చిత్రంలో ప్రజ్వల్, మంజునాథ్ నాయక, రాకేష్ రాజ్కుమార్, శ్రీవత్స, తేజస్ జయన్న ప్రధాన పాత్రలు పోషించారు. రిషబ్ శెట్టి, రష్మీ గౌతమ్, తరుణ్భాస్కర్లు గెస్ట్ రోల్స్లో మెరిశారు. కాంతార ఫేమ్ అజనీష్ లోక్నాథ్ సంగీతం అందించిన ఈ సినిమాను అన్నపూర్ణ స్టూడీయోస్తో కలిసి ఛాయ్ బిస్కెట్ వాళ్లు తెలుగులో విడుదల చేశారు.
Yo boys! Let’s start New Year 2024 with a bang! #BoysHostel , the student film of the year 2023 will stream on aha from Jan 5th. Let’s do some racha…🤩 pic.twitter.com/cKMvgGJKiB
— ahavideoin (@ahavideoIN) December 31, 2023
ఇక ఈ సినిమా కథ విషయానికి వస్తే.. హాస్టల్ క్యాంపస్లో ఓ రాత్రి జరిగే కథ ఇది. అనుకోకుండా హాస్టల్లో ఉన్న వార్డన్ చనిపోవడం.. ఆ చావుకు కారణం హాస్టల్లో ఉండే ఓ గ్యాంగ్ అని చూపించడం.. దాంతో పానిక్ అయిన ఆ గ్యాంగ్ ఓ సీనియర్ హెల్ప్ తీసుకుని ఆ శవాన్ని యాక్సిడెంట్ అని క్రియేట్ చేయడం ఇలా క్రైమ్ చుట్టూ కథ తిరుగుతుంది. మాములుగా బాయ్స్ హాస్టల్ అంటే ఎలాంటి రచ్చ ఉంటుందో ఈ సినిమాలో కూడా అదే ఉంటుందని స్పష్టం అయింది. దానిని చాలా హ్యూమరస్ వేలో దర్శకుడు ఈ సినిమాను చూపించబోతున్నట్లు తెలుస్తుంది. ఓ వైపు శవంతో క్రైమ్ను మరోవైపు అదే శవం చుట్టూ కామెడీను భలేగా దర్శకుడు స్క్రీన్ప్లే రాసుకున్నాడు.