Google Play store | గతేడాది 2023లో ప్లే స్టోర్ నుంచి 22.8 లక్షల యాప్స్ను గూగుల్ తొలగించింది. గూగుల్ తన బ్లాగ్లో ఈ విషయాన్ని గూగుల్ సమాచారం ఇచ్చింది. 3,33,000 డెవలపర్ ఖాతాలను నిషేధించినట్లు నివేదికలో పేర్కొంది. ఈ మాల్వేర్ యాప్లన్నీ పదేపదే గోప్యతా విధానాన్ని ఉల్లంఘిస్తున్నాయని పేర్కొంది. ఇందులో 2లక్షల యాప్లను గూగుల్లో పబ్లిష్కు ముందే తొలగించినట్లు పేర్కొంది. ఆయా యాప్లు బ్యాక్గ్రౌండ్ లొకేషన్ ట్రాకింగ్, మెసేజ్లకు యాక్సెస్, కాంటాక్ట్లకు యాక్సెస్, మైక్రోఫోన్తో సహా గ్యాలరీ వంటి వినియోగదారుల వ్యక్తిగత సమాచారాన్ని సేకరిస్తున్నట్లుగా గుర్తించింది.
గూగుల్ ప్లే స్టోర్ ఇద్దరు డెవలపర్లపై ఫెడరల్ కోర్టులో దావా వేసింది. డెవలపర్ స్పామ్ యాప్లను పదే పదే అప్లోడ్ చేస్తున్నారని ఆరోపించింది. తప్పుడు సమాచారం ఇచ్చినట్లు సైతం ఆరోపణలు ఉన్నాయి. త్వరలో కొత్త పాలసీని తీసుకురానున్నట్టు గూగుల్ తెలిపింది. గూగుల్ యాప్ డిఫెన్స్ అలయన్స్ (ADA)ని కూడా ప్రారంభించింది. దీని కోసం మైక్రోసాఫ్ట్, మెటాతో ఒప్పందం కుదుర్చుకుంది. యాప్ భద్రత కోసం పని చేయనున్నది. ప్లే స్టోర్ కాకుండా మరేదైనా యాప్ స్టోర్ నుంచి డౌన్లోడ్ చేసుకున్న యాప్లకు కూడా తమ పాలసీ వర్తిస్తుందని గూగుల్ తెలిపింది.