Visit:
బాలీవుడ్‌ అగ్ర నటుడు అనిల్‌కపూర్‌ తన కెరీర్‌ ప్రారంభంలో తెలుగులో నటించారు. ఆ సినిమా పేరు ‘వంశవృక్షం’. దర్శకుడు బాపు. మళ్లీ ఇన్నాళ్లకు తెలుగులో ఆయన నటించనున్నట్టు విశ్వసనీయ సమాచారం. తమిళ హీరో సూర్య కథానాయకుడిగా, టాలీవుడ్‌ డైరెక్టర్‌ వెంకీ అట్లూరి దర్శకత్వంలో ఓ పాన్‌ ఇండియా సినిమా రూపొందుతున్న విషయం తెలిసిందే. సితార ఎంటైర్టెన్మెంట్స్‌ నిర్మిస్తున్న ఈ చిత్రానికి ‘విశ్వనాథ్‌ అండ్‌ సన్స్‌’ అనే ఆసక్తికరమైన టైటిల్‌ను ఫిక్స్‌ చేశారు.
ఈ సినిమాలోనే అనిల్‌కపూర్‌ కీలకమైన పాత్ర పోషిస్తున్నారట. వెంకీ అట్లూరి ఇప్పటివరకూ రాసిన స్క్రిప్టులన్నింటిలో ఈ స్క్రిప్ట్‌ చాలా బాగా వచ్చిందని ఇన్‌సైడ్‌ టాక్‌. మమితాబైజు కథానాయికగా నటిస్తున్న ఈ చిత్రానికి జి.వి.ప్రకాశ్‌కుమార్‌ సంగీతం అందిస్తున్నారు. ఈ సినిమాకు చెందిన మరిన్ని అప్‌డేట్స్‌ త్వరలో రానున్నాయి.
