Kriti Sanon | రీచెస్ట్‌ ప్లేస్‌లో కాస్ట్‌లీ ప్రాపర్టీ కొన్న కృతి సనన్‌

Kriti Sanon | సినీతారల తళుకులు కెరీర్‌ పీక్‌లో ఉన్నంత కాలమే! అందుకే తమకంటూ గుర్తింపు సంపాదించుకున్నాక వారి సంపాదనలో కొంత మొత్తాన్ని పెట్టుబడిగా మార్చుకుని భవిష్యత్తుని భద్రంగా మలుచుకునే ప్రయత్నం చేస్తారు.

Kriti Sanon | సినీతారల తళుకులు కెరీర్‌ పీక్‌లో ఉన్నంత కాలమే! అందుకే తమకంటూ గుర్తింపు సంపాదించుకున్నాక వారి సంపాదనలో కొంత మొత్తాన్ని పెట్టుబడిగా మార్చుకుని భవిష్యత్తుని భద్రంగా మలుచుకునే ప్రయత్నం చేస్తారు. అయితే, ఎంత పెట్టుబడి పెడుతున్నామనే దానికంటే ఎక్కడ ఇన్వెస్ట్‌ చేస్తున్నామన్నదే ముఖ్యం.

‘భూమిపై పెట్టుబడి ఎప్పటికైనా లాభదాయకమే’ అనేది చాలామంది ఆర్థిక నిపుణులు ఇచ్చే సలహా. అదే బాటలో పయనిస్తున్నారు సినీతారలు. బాలీవుడ్‌, టాలీవుడ్‌ తేడాలేకుండా చాలామంది నటీనటులు భూములు కొనుగోలు చేస్తూ స్థిరాస్తులను పెంచుకుంటున్నారు. తాజాగా బాలీవుడ్‌ భామ కృతీ సనన్‌ కూడా ఈ జాబితాలో చేరిపోయింది. సౌత్‌ ముంబయిలోనే ఖరీదైన ప్రాంతంగా పేరొందిన ఆలీబాగ్‌ టౌన్‌లో 2,000 స్క్వేర్‌ ఫీట్‌ ప్లాట్‌ కొనుగోలు చేసింది. ఈ విషయాన్ని అధికారికంగా ప్రకటించింది.

‘అందమైన డెవలప్‌మెంట్‌ అయిన సోల్‌ డే ఆలీబాగ్‌లోని ద హౌజ్‌ ఆఫ్‌ అభినందన్‌ లోధాలో నేను కూడా ఒక గర్వమైన, సంతోషకరమైన ల్యాండ్‌ ఓనర్‌ అయ్యాను. భూమి కొనడం అనేది చాలా పెద్ద నిర్ణయం. నేను గత కొన్నాళ్లుగా ఆలీబాగ్‌లో ల్యాండ్‌ కొనాలని ఆలోచిస్తూ ఉన్నాను. ఇన్నాళ్లకు నా కల నెరవేరింది’ అంటూ చెప్పుకొచ్చింది ఈ అందాల భామ. ఇటీవల బాలీవుడ్‌ బిగ్‌ బీ అమితాబ్‌ బచ్చన్‌ సైతం ఇదే టౌన్‌లో 10,000 చదరపు అడుగుల ప్లాట్‌ కొనుగోలు చేయడం విశేషం.