Chrisann Pereira | డ్రగ్స్‌ కేసులో అరెస్ట్‌.. షార్జా జైలు నుంచి విడుదలైన బాలీవుడ్‌ నటి

Chrisann Pereira | మాదక ద్రవ్యాల అక్రమ రవాణా కేసులో (drug smuggling case) అరెస్టైన బాలీవుడ్ నటి (Bollywood actress) క్రిసాన్ పెరీరా (Chrisann Pereira ) యూఏఈలోని షార్జా జైలు (Sharjah jail) నుంచి తాజాగా విడుదలైంది.

Chrisann Pereira | మాదక ద్రవ్యాల అక్రమ రవాణా కేసులో (drug smuggling case) అరెస్టైన బాలీవుడ్ నటి (Bollywood actress) క్రిసాన్ పెరీరా (Chrisann Pereira ) యూఏఈలోని షార్జా జైలు (Sharjah jail) నుంచి తాజాగా విడుదలైంది. ఆమె దగ్గరున్న ట్రోఫీలో డ్రగ్స్‌ను గుర్తించిన షార్జా పోలీసులు ఈ నెల మొదట్లో నటిని విమానాశ్రయంలో అరెస్ట్‌ చేసి జైలుకు పంపారు. దీంతో ఉద్దేశపూర్వకంగానే తమ కుమార్తెను డ్రగ్స్‌ స్మగ్లింగ్‌ కేసులో కొందరు ఇరికించారంటూ నటి కుటుంబ సభ్యులు ఆరోపించారు. దీనిపై విచారణ చేపట్టిన పోలీసులు నటిని నిర్దోషిగా తేల్చి జైలు నుంచి విడుదల చేశారు.

డ్రగ్స్ స్మగ్లింగ్ కేసులో నటి క్రిసాన్ పెరీరాను ఇద్దరు వ్యక్తులు ఇరికించినట్టు పోలీసులు (Police) గుర్తించారు. ఆ ఇద్దరు నిందితుల్ని ముంబై క్రైం బ్రాంచ్‌ పోలీసులు (mumbai crime branch police) అరెస్ట్‌ చేశారు. పెరీరాను జైలుకు పంపేందుకు ఉద్దేశపూర్వకంగా వారు ఆమె తీసుకెళ్తున్న ట్రోఫీలో డ్రగ్స్ పెట్టినట్టు పోలీసులు అనుమానిస్తున్నారు. నిందితుల్లో ఒకరిని ముంబైలోని బొరివలీ (Borivali )కి చెందిన ఆంథోనీ పాల్‌ (Anthony Paul) కాగా, మరొకరిని మహారాష్ట్రలోని సింధుదుర్గ్‌ (Maharashtra Sindhudurg)కు చెందిన రాజేశ్ బాభోటే అలియాస్ రవి (Rajesh Babhote alias Ravi)గా గుర్తించారు.

నటి తల్లిపై ప్రతీకారం తీర్చుకోవడంలో భాగంగానే ఆంథోనీ పాల్‌ తన సహచరుడు రవితో కలిసి క్రిసాన్ పెరీరాను ఈ కేసులో ఇరికించినట్లు పోలీసులు అనుమానిస్తున్నారు. అందులో భాగంగా ఇంటర్నేషనల్ వెబ్ సిరీస్‌ కోసం యూఏఈలో ఆడిషన్స్ జరుగుతున్నాయంటూ ఆంథోనీ పాల్‌ ఆమెను అక్కడికి పంపారు. విమానాశ్రయానికి వెళ్లిన తర్వాత డ్రగ్స్‌తో నింపిన ట్రోఫీని ఆమెకు అందించారు. అంతేకాదు, పాల్ ఇలాగే మరో నలుగురిని కూడా ఇరికించినట్టు ముంబై పోలీసులు గుర్తించారు. కాగా, 27 ఏండ్ల క్రిసాన్ పెరీరా (Chrisann Pereira ) ‘సడక్ 2’, ‘బాట్లా హౌస్’ వంటి బాలీవుడ్‌ సినిమాల్లో నటించి గుర్తింపు తెచ్చుకుంది.

Also Read..

Rahul Gandhi | రాహుల్‌ గాంధీ పరువు నష్టం కేసు విచారణ నుంచి తప్పుకున్న జడ్జి

India Corona | 9 వేలకు పైనే కొత్త కేసులు.. 60 వేల దిగువకు యాక్టివ్‌ కేసులు

Angry Tiger | పార్క్‌లో టూరిస్ట్‌లపైకి దూసుకొచ్చిన పులి.. వీడియో వైరల్‌..!