Visit:
Bigg Boss 9 | బిగ్‌బాస్ సీజన్9 రోజు రోజుకి ఆసక్తిక‌రంగా మారుతుంది. అయితే ఈ వారం హైలైట్‌గా నిలిచిన అంశం ఇమ్మాన్యుయేల్ గోల్డ్ స్టార్ అందుకోవడం, ఫ్లోరా షైనీ నేరుగా రెండు వారాల నామినేషన్‌లోకి వెళ్లడం. హోస్ట్ నాగార్జున వీక్ రివ్యూ సందర్భంగా పలువురు కంటెస్టెంట్లపై స్పందించగా, అత్యుత్తమ వ్యక్తిగా ఇమ్మాన్యుయేల్ పేరు తెచ్చుకున్నాడు. ఇమ్మాన్యుయేల్ ఈ వారం గేమ్‌లో తన ఎంటర్టైన్మెంట్, కమ్యూనికేషన్ స్కిల్స్, ఎమోషనల్ కనెక్ట్ వంటి అంశాల్లో తన ముద్ర వేసాడు. అందుకే నాగార్జున కూడా అతనిపై ప్రశంసల వర్షం కురిపించారు. “ఇమ్మాన్యుయేల్ అందరితో కలిసిమెలిసి ఉంటూ, గేమ్‌ను సరైన దిశలో నడిపిస్తున్నాడు,” అని నాగ్ అన్నారు. అతడి ప్రేమ కథ కూడా నాగార్జునను ఎమోషనల్‌గా టచ్ చేసింది.
ఇక నెగెటివ్ టాప్‌ లిస్ట్‌లో చోటు దక్కించుకున్న ఇద్దరు కంటెస్టెంట్లు.. హరిత హరీష్ మరియు ఫ్లోరా షైనీ. ఈ వారంలో బ్లాక్ స్టార్ వీరిద్దరినే వ‌రించింది. నాగార్జున హరీష్‌పై తీవ్రంగా స్పందిస్తూ, “అన్నీ అంచనాలను వమ్ము చేశావు, తీరా హౌస్‌లో ఒక మూలాన కూర్చుని ఉంటున్నావు” అన్నారు. అదే సమయంలో ఫ్లోరాపై కూడా తనదైన శైలిలో కామెంట్స్ చేశారు. ఫ్లోరా గేమ్‌లో కనిపించడం లేదని, సొంత నిర్ణయాలు తీసుకోలేకపోతున్నదని, ఎప్పుడూ ఎవరో ఒకరికి సపోర్ట్ పాత్రలోనే మిగిలిపోతుందని నాగార్జున వ్యాఖ్యానించారు. “సర్వెంట్ మాదిరిగా కనిపిస్తున్నావు,” అంటూ ఆమె గేమ్‌పై లోపాలు ఎత్తిచూపారు.
వీళ్లిద్దరిలో ఎవరు హౌస్‌కి అవసరం లేని వ్యక్తి అనే విషయంపై ఓ టాస్క్‌ ద్వారా హౌస్‌మేట్స్ ఓటింగ్ చేశారు. భరణి హరీష్ ఫోటోను క్రష్ చేయగా, మెజారిటీ హౌస్‌మేట్స్ ఫ్లోరా ఫోటో చించేశారు. వారి వాదన – “ఆమె గేమ్‌పై ఎలాంటి ప్రభావం చూపడం లేదు, ఆమె లేకపోయినా తేడా లేదు.”నాగార్జున చివ‌రికి ఫ్లోరా షైనీకి శిక్ష విధిస్తూ, ఆమె రాబోయే రెండు వారాలు నేరుగా నామినేట్ అవుతుందని ప్రకటించారు. ఇది ఫ్లోరా కోసం కీలక మలుపుగా మారబోతుందా లేదా ఆమె ప్రయాణం ముగిసిపోతుందా అనేది చూడాలి. బిగ్‌బాస్ హౌస్ లో న్యూమరన్ ట్విస్ట్‌లు, ఎమోషనల్ మోమెంట్స్, గేమింగ్ స్ట్రాటజీలు వీక్షకులను ఆకట్టుకుంటున్నాయి. ఈ సీజన్ మరిన్ని సంచలనాలు సృష్టించ‌నుంది.
