Bigg Boss 10 | బిగ్‌బాస్‌ తెలుగు 10లో ఊహించని ఎలిమినేషన్‌.. రోహిత్‌కు షాకిచ్చిన హౌస్‌ మేట్స్‌ ఓటింగ్..!

Bigg Boss 10 | బిగ్‌బాస్‌ తెలుగు సీజన్‌ 10లో మరో అనూహ్య పరిణామం చోటుచేసుకుంది. తన ఆటతీరు, దూకుడు, హౌస్‌లోని ఇతర సభ్యులతో గొడవల కారణంగా ఎప్పుడూ వార్తల్లో నిలిచిన రోహిత్‌ అనూహ్యంగా ఇంటి నుంచి బయటకు వెళ్లిపోయాడు. బలమైన పోటీదారుడిగా గుర్తింపు తెచ్చుకున్న అతడు ఇలా ఎలిమినేట్‌ కావడం ప్రేక్షకులను ఆశ్చర్యానికి గురిచేసింది.

Bigg Boss 10 | బిగ్‌బాస్‌ తెలుగు సీజన్‌ 10లో మరో అనూహ్య పరిణామం చోటుచేసుకుంది. తన ఆటతీరు, దూకుడు, హౌస్‌లోని ఇతర సభ్యులతో గొడవల కారణంగా ఎప్పుడూ వార్తల్లో నిలిచిన రోహిత్‌ అనూహ్యంగా ఇంటి నుంచి బయటకు వెళ్లిపోయాడు. బలమైన పోటీదారుడిగా గుర్తింపు తెచ్చుకున్న అతడు ఇలా ఎలిమినేట్‌ కావడం ప్రేక్షకులను ఆశ్చర్యానికి గురిచేసింది. అయితే ఈసారి ఎలిమినేషన్‌ ప్రక్రియలో ప్రేక్షకుల ఓటింగ్‌ కాకుండా హౌస్‌ సభ్యుల నిర్ణయం కీలకంగా మారింది. ఆదివారం ఎపిసోడ్‌లో ఆర్కే, శ్వేత‌, రోహిత్‌ ముగ్గురూ డేంజర్‌ జోన్‌లో ఉన్నట్లు నాగార్జున ప్రకటించారు. వీరిలో ఒకరిని ఇంటి సభ్యుల ఓటింగ్‌ ద్వారా ఎలిమినేట్‌ చేయనున్నట్లు వెల్లడించారు. ఇందుకోసం ప్రత్యేకమైన ఓటింగ్‌ ప్రక్రియను నిర్వహించారు. హౌస్‌లో కొనసాగకూడదని భావించిన కంటెస్టెంట్‌ ఫొటోను బొమ్మకు అంటించి, అందుకు గల కారణాన్ని చెప్పి దానిని పగలగొట్టాల్సి ఉంటుంది.

ఈ ప్రక్రియలో మొదట ఓటు వేసిన నరేశ్‌.. రోహిత్‌కు వ్యతిరేకంగా నిర్ణయం తీసుకున్నాడు. ఆ తర్వాత రామ్‌ ప్రసాద్‌ కూడా రోహిత్‌ ఇంట్లో ఉండకూడదని ఓటు వేశాడు. త్రిగుణ్‌ చెప్పిన కొన్ని విషయాలు విన్న తర్వాత ఈ నిర్ణయానికి వచ్చినట్లు రామ్‌ ప్రసాద్‌ వివరించాడు. తనను నమ్మిన వ్యక్తి ఇలా వ్యతిరేకంగా ఓటు వేయడంతో రోహిత్‌ తీవ్రంగా ఆశ్చర్యపోయాడు. రోహిత్‌కు వ్యతిరేకంగా త్రిగుణ్‌ కూడా ఓటు వేశాడు. అంతకుముందు రోజు బిగ్‌బాస్‌ అతడికి రోహిత్‌కు సంబంధించిన ఓ వీడియోను చూపించారు. అందులో అవకాశం వస్తే త్రిగుణ్‌ను నూనె పూసిన కర్రతో కొడతానంటూ రోహిత్‌ మాట్లాడిన మాటలు ఉన్నాయి. ఆ వీడియో చూసిన తర్వాత రోహిత్‌పై త్రిగుణ్‌ ఆగ్రహం పెరిగింది. దీంతో ఆదివారం ఓటింగ్‌లో అతడికి వ్యతిరేకంగా ఓటు వేస్తూ తన నిర్ణయానికి కారణాన్ని వివరించాడు.

దేబ్జానీ కూడా రోహిత్‌కు వ్యతిరేకంగా ఓటు వేయగా, ముకేశ్‌, సుధీర్‌, నీతూ మాత్రం ఆర్కేకు వ్యతిరేకంగా ఓటు వేశారు. మరోవైపు అమన్‌ కూడా రోహిత్‌కు వ్యతిరేకంగా ఓటు వేశాడు. హౌస్‌లో తన వాళ్లుగా భావించినవారు నిజంగా తనకు అండగా లేరనే విషయం అర్థమైందని ఈ సందర్భంగా అమన్‌ వ్యాఖ్యానించాడు.ఓటింగ్‌ ముగిసిన తర్వాత రోహిత్‌కు వ్యతిరేకంగా ఎక్కువ ఓట్లు రావడంతో అతడు ఎలిమినేట్‌ అయినట్లు నాగార్జున ప్రకటించారు. అయితే తన ఎలిమినేషన్‌ కంటే రామ్‌ ప్రసాద్‌ తనకు వ్యతిరేకంగా ఓటు వేయడమే ఎక్కువ బాధ కలిగించిందని రోహిత్‌ చెప్పాడు. మరోవైపు రోహిత్‌ బయటకు వెళ్లడంతో నీతూ కన్నీళ్లు పెట్టుకుంది.

ఈ పరిణామంపై నాగార్జున కూడా స్పందించారు. రోహిత్‌ బలమైన కంటెస్టెంట్‌ అని మొదటి నుంచీ చెబుతున్నానని, అయినప్పటికీ ఇలా ఎలిమినేట్‌ అవుతాడని తాను కూడా ఊహించలేదని పేర్కొన్నారు. మొత్తానికి హౌస్‌ సభ్యుల ఓటింగ్‌తో రోహిత్‌ ప్రయాణం ముగియడం ఈ వారం ఎపిసోడ్‌లో ప్రధాన చర్చగా మారింది.