టాలీవుడ్లో త్వరలో విడుదల కాబోతున్న మోస్ట్ ఎవెయిటెడ్ ప్రాజెక్టుల్లో ఒకటి భీమ్లా నాయక్. పవన్ కల్యాణ్ టైటిల్ రోల్ పోషిస్తున్న ఈ సినిమా నుంచి క్రేజీ అప్ డేట్ రానే వచ్చింది. భీమ్లా నాయక్ ట్రైలర్ను మేకర్స్ లాంఛ్ చేశారు. ‘ఏంటి బాలాజీ స్పీడు పెంచావ్ అని రఘుబాబును రానా అడుగుతున్న సన్నివేశంతో మొదలైంది ట్రైలర్. ఆ తర్వాత పులి పెగ్గేసుకుని పడుకుంది కానీ కాస్త స్లోగానే పోనియ్యు..అని రానా చెబుతున్నాడు. సర్దార్ భీమ్లా నాయక్..సబ్ ఇన్ స్పెక్టర్ ఆఫ్ పోలీస్.. శ్రీశైలం తహసీల్..కేశవరం మండలం ఆంధ్రప్రదేశ్..’అంటూ పవన్ కల్యాణ్ తనను తాను ఇంట్రడ్యూస్ చేసుకోవడం ట్రైలర్ లో చూడొచ్చు.
‘నీ గన్ లో బుల్లెట్ కనబడకపోతే కేసు..నా బాడీలో బుల్లెట్ కనిపిస్తే కేసు అంటూ డానియల్ శేఖర్ చెప్తున్న డైలాగ్స్..మరోవైపు భీమ్లా నాయక్, డానియల్ శేఖర్ మధ్య వచ్చే సన్నివేశాలు గూస్ బంప్స్ తెప్పించేలా ఉన్నాయి. తోలు తీస్తా నా కొడకా అంటూ పవన్ స్టైల్ ఆఫ్ మేనరింజతో చెప్తున్న డైలాగ్స్ థియేటర్లలో అందరితో విజిల్స్ వేయించడం ఖాయమనిపిస్తోంది.
మలయాళ సూపర్ హిట్ రీమేక్ అయ్యప్పనుమ్ కొషియుమ్ కు రీమేక్గా వస్తున్న ఈ చిత్రంలో డానియల్ శేఖర్ పాత్రలో రానా నటిస్తుండగా..కోలీవుడ్ భామ నిత్య మీనన్, మాలీవుడ్ భామ సంయుక్తా మీనన్ లు ఫీ మేల్ లీడ్ రోల్స్ పోషిస్తున్నారు.