Haindava Teaser | యూట్యూబ్‌లో దూసుకుపోతున్న ‘హైందవ’ టీజర్.. రికార్డు స్థాయిలో వ్యూస్‌తో మాస్ రెస్పాన్స్!

Haindava Teaser | బెల్లంకొండ సాయి శ్రీనివాస్ హీరోగా, సంయుక్త హీరోయిన్‌గా నటిస్తున్న తాజా పాన్ ఇండియా చిత్రం 'హైందవ' అఫీషియల్ టీజర్ యూట్యూబ్‌లో రికార్డు స్థాయి స్పందనతో దూసుకుపోతోంది.

Haindava Teaser | బెల్లంకొండ సాయి శ్రీనివాస్ హీరోగా, సంయుక్త హీరోయిన్‌గా నటిస్తున్న తాజా పాన్ ఇండియా చిత్రం ‘హైందవ’ అఫీషియల్ టీజర్ యూట్యూబ్‌లో రికార్డు స్థాయి స్పందనతో దూసుకుపోతోంది. లూధీర్ బైరెడ్డి దర్శకత్వం వహిస్తున్న ఈ సినిమా టీజర్ విడుదలైన కేవలం 16 గంటల్లోనే 8,65,523 పైచిలుకు వ్యూస్‌ను సొంతం చేసుకుని ట్రెండింగ్‌లో నిలిచింది.

రంగాపురం అనే గ్రామంలోని పురాతన ఆలయంలో పది దైవ విగ్రహాలు ఒక్కసారిగా మాయమవడం, అదే సమయంలో గ్రామంలో ఓ వ్యక్తి దారుణంగా హత్యకు గురికావడంతో ఈ కథ ప్రారంభమవుతుంది. ఈ మిస్టరీ మరియు క్రైమ్ ఇన్వెస్టిగేషన్‌ను చేధించడానికి దేవుడి కంటే మానవత్వం, హేతువాదంపై నమ్మకం ఉండే ఓ పవర్‌ఫుల్ పోలీస్ ఆఫీసర్‌ పాత్రలో బెల్లంకొండ సాయి శ్రీనివాస్ రగ్గడ్ లుక్‌లో కనిపించి ప్రేక్షకులను ఆకట్టుకుంటున్నారు. ఈ చిత్రంలో మహేష్ మంజ్రేకర్ ఆలయ పూజారిగా నటిస్తుండగా, సౌరభ్ సచ్‌దేవా, జేడీ చక్రవర్తి, శివాజీ రాజా, గెటప్ శ్రీను తదితరులు ఇతర ముఖ్య పాత్రల్లో నటిస్తున్నారు. సామ్ సి.ఎస్ సంగీతం అందిస్తున్న ఈ చిత్రాన్ని మూన్‌షైన్ పిక్చర్స్ పతాకంపై మహేష్ చందు నిర్మిస్తున్నారు. ఆధ్యాత్మికత, క్రైమ్, నమ్మకాల ఆధారంగా తెరకెక్కుతున్న ఈ మిస్టికల్ డివోషనల్ థ్రిల్లర్ చిత్రాన్ని నవంబర్ 27న ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ ప్రకటించారు. టీసర్‌లో వచ్చే “జరగబోయేది చెప్పి.. అది ఎలా జరుగుతుందో కళ్లారా చూపించేవాడే దేవుడు” వంటి డైలాగ్స్ సినిమాపై అంచనాలను మరింత పెంచేశాయి.