1986లో వరుసగా ఆరు బ్లాక్బాస్టర్లు ఇచ్చి సిక్స్ర్ కొట్టారు బాలకృష్ణ. ఇది ఇప్పటికీ చరగని రికార్డు. వరుసగా ఆరు హిట్లు చాలామంది హీరోలకున్నా.. ఒకే ఏడాదిలో ఆరు హిట్లు మాత్రం నేటి హీరోల్లో బాలయ్యకు మాత్రమే సొంతం. ఇప్పుడు వరుసగా అఖండ, వీరసింహారెడ్డి, భగవంత్కేసరి.. మూడు బ్లాక్బాస్టర్లు.. బాలయ్య స్థాయి హీరోలెవ్వరికీ ఈ పదేళ్లల్లో ఈ రికార్డ్ లేదు. త్వరలో నాలుగో సినిమా రాబోతున్నది. ‘ఎన్బీకే 109’ వర్కింగ్ టైటిల్గా రూపొందుతోన్న ఈ చిత్రానికి కె.ఎస్.రవీంద్ర(బాబి) దర్శకుడు. సితార ఎంటర్టైన్మెంట్స్ పతాకంపై ఎస్.నాగవంశీ ఈ చిత్రాన్ని నిర్మిస్తున్నారు.
వరుసగా మూడు విజయాల తర్వాత బాలయ్య చేస్తున్న సినిమా కావడం, మెగాహిట్ ‘వాల్తేరు వీరయ్య’ తర్వాత బాబీ చేస్తున్న సినిమా కావడంతో సినిమాపై భారీ అంచనాలు నెలకొన్నాయి. ఈ సినిమా అప్డేట్ కోసం అభిమానులు ఆతృతగా ఎదురుచూస్తున్నారు. ఈ నేపథ్యంలో దర్శకుడు బాబీ ఈ సినిమాపై ఆసక్తికరమైన వ్యాఖ్యలు చేశారు. ‘ఈ సినిమా ఎలా ఉంటుంది? అంటూ అభిమానులు అడుగుతున్నారు. వాళ్లకు నేను చెప్పేది ఒక్కటే. ఈ సినిమా నెక్ట్స్ లెవల్లో ఉంటుంది. ఇందులో కొత్త బాలయ్యను చూస్తారు. ఊటీలో ఓ భారీ యాక్షన్ షెడ్యూల్ పూర్తి చేశాం. నెక్ట్స్ షెడ్యూల్ రాజస్తాన్లో చేయనున్నాం. మిగతా వివరాలు వచ్చే ఏడాదిలో చెప్తా’ అన్నారు దర్శకుడు బాబీ.