Avatar 3 Ott | అవతార్ 3 ఓటీటీ ఎంట్రీ.. నేటి నుండి రెంట్ ప‌ద్ధ‌తిలో స్ట్రీమింగ్, ఫ్రీ రిలీజ్ ఎప్పుడంటే?

Avatar 3 Ott | ప్రపంచ సినీ చరిత్రలో విజువల్ వండర్‌గా నిలిచిన ‘అవతార్: ఫైర్ అండ్ యాష్’ ఇప్పుడు డిజిటల్ ప్లాట్‌ఫామ్స్‌లో సందడి చేయడానికి సిద్ధమైంది. ప్రముఖ దర్శకుడు జేమ్స్ కామెరాన్ తెరకెక్కించిన ఈ చిత్రం బాక్సాఫీస్ వద్ద భారీ విజయాన్ని సాధించిన తర్వాత ఓటీటీ ప్రేక్షకులను అలరించేందుకు వస్తోంది.

Avatar 3 Ott | ప్రపంచ సినీ చరిత్రలో విజువల్ వండర్‌గా నిలిచిన ‘అవతార్: ఫైర్ అండ్ యాష్’ ఇప్పుడు డిజిటల్ ప్లాట్‌ఫామ్స్‌లో సందడి చేయడానికి సిద్ధమైంది. ప్రముఖ దర్శకుడు జేమ్స్ కామెరాన్ తెరకెక్కించిన ఈ చిత్రం బాక్సాఫీస్ వద్ద భారీ విజయాన్ని సాధించిన తర్వాత ఓటీటీ ప్రేక్షకులను అలరించేందుకు వస్తోంది. ఈ సినిమా మార్చి 31 నుంచి అమెజాన్ ప్రైమ్ వీడియోలో స్ట్రీమింగ్ అవుతోంది. అయితే ఇది సాధారణ సబ్‌స్క్రిప్షన్‌లో కాకుండా, PVOD (ప్రీమియం వీడియో ఆన్ డిమాండ్) విధానంలో అందుబాటులోకి వచ్చింది. అంటే ప్రేక్షకులు ప్రత్యేకంగా డబ్బులు చెల్లించి ఈ సినిమాను రెంట్ లేదా పర్చేజ్ చేసుకుని చూడాలి.

అదే విధంగా ఆపిల్ టీవీ ప్లాట్‌ఫామ్‌లో కూడా ఇదే విధానంలో సినిమా అందుబాటులో ఉంది.సబ్‌స్క్రిప్షన్ ఉన్నవారికి ఉచితంగా ఈ సినిమా ఎప్పుడు అందుబాటులోకి వస్తుందన్నది ఫ్యాన్స్‌లో ఆసక్తికరమైన ప్రశ్నగా మారింది. సమాచారం ప్రకారం, గ్లోబల్‌గా ఈ చిత్రం డిస్నీ+లో స్ట్రీమింగ్ కానుంది. భారతదేశంలో మాత్రం జియోహాట్‌స్టార్ వేదికగా విడుదలయ్యే అవకాశం ఉంది. సాధారణంగా డిజిటల్ రెంట్ ప్రారంభమైన 4 నుంచి 8 వారాల తర్వాతే మెయిన్ స్ట్రీమింగ్ ప్రారంభమవుతుంది. ఈ లెక్కన చూస్తే, ఏప్రిల్ చివరి వారంలో లేదా మే 2026 తొలి వారంలో ఈ సినిమా ఫ్రీ స్ట్రీమింగ్‌కు వచ్చే అవకాశాలు ఉన్నాయి. ఈ చిత్రం ప్రపంచవ్యాప్తంగా సుమారు $1.48 బిలియన్ (దాదాపు రూ.13,964 కోట్లు) వసూళ్లు సాధించి టాప్ గ్రాసర్స్ జాబితాలో చోటు దక్కించుకుంది. ఇటీవల జరిగిన ఆస్కార్ అవార్డ్స్‌లో “బెస్ట్ విజువల్ ఎఫెక్ట్స్” విభాగంలో అవార్డు గెలుచుకోవడం ఈ చిత్ర సాంకేతిక నైపుణ్యానికి నిదర్శనం.

మూడో భాగంలో పండోరా గ్రహంలోని కొత్త కోణాన్ని దర్శకుడు ఆవిష్కరించారు. జేక్ సల్లీ, నేతిరి కుటుంబం ఈసారి అగ్నిపర్వత ప్రాంతాల్లో నివసించే ‘యాష్ పీపుల్’ అనే కొత్త తెగను ఎదుర్కొంటుంది. ఈ తెగ స్వభావం చాలా అగ్రెసివ్‌గా ఉండటం కథకు మరింత ఉత్కంఠను తీసుకొస్తుంది. ‘వరాంగ్’ అనే పాత్ర ఈ సినిమాలో ప్రత్యేక ఆకర్షణగా నిలుస్తోంది. థియేటర్లలో విజువల్ ట్రీట్ అందించిన ఈ సినిమా ఇప్పుడు ఓటీటీలో కూడా అదే స్థాయిలో ఆకట్టుకుంటుందనే అంచనాలు ఉన్నాయి. ఫ్రీ స్ట్రీమింగ్ కోసం ఎదురుచూస్తున్న అభిమానులకు త్వరలోనే గుడ్ న్యూస్ వచ్చే అవకాశం ఉంది.