ఏనుగుతో సంబరం

అరుణ్‌ విజయ్‌ హీరోగా నటిస్తున్న చిత్రం ‘ఏనుగు’. తెలుగు, తమిళ భాషల్లో మాస్‌ సినిమాల దర్శకుడు హరి తెరకెక్కిస్తున్న ఈ చిత్రాన్ని వెడిక్కారన్‌ పట్టి ఎస్‌.శక్తివేల్‌ నిర్మిస్తున్నారు. వినాయకచవితి సందర్భంగా ఈ చిత్రానికి సంబంధించిన తొలి ప్రచార చిత్రాన్ని విడుదల చేశారు. 33 మంది సెలబ్రిటీలు ఒకేసారి ఈ ఫస్ట్‌లుక్‌ను విడుదల చేయడం విశేషం. ప్రస్తుతం షూటింగ్‌ దశలో వున్న ఈ చిత్రంలో భారీ యాక్షన్‌ సీక్వెన్స్‌లు వుంటాయని చిత్రబృందం తెలిపింది. ప్రియా భవానీ శంకర్‌, యోగిబాబు, సముద్రఖని, రాధికా శరత్‌కుమార్‌ తదితరులు నటిస్తున్న ఈ చిత్రానికి సంగీతం: జీవీ ప్రకాష్‌కుమార్‌.