Article 370 | ఆర్టికల్ 370పై సుప్రీంకోర్టు సోమవారం తీర్పున వెలువరించింది. జమ్మూకశ్మీర్కు ఉన్న ప్రత్యేక హోదా (ఆర్టికల్ 370)ను రద్దు చేస్తూ రాష్ట్రపతి ఇచ్చిన ఉత్తర్వులు ఇచ్చిన చెల్లుబాటవుతాయని స్పష్టం చేసింది. తాము జోక్యం చేసుకోలేమని వెల్లడించింది. సుప్రీంతీర్పు నేపథ్యంలో పలువురు బాలీవుడ్ ప్రముఖులు స్పందించారు. ఆర్టికల్ 370 రద్దుపై సుప్రీంకోర్టు ఇచ్చిన తీర్పుపై నటుడు అనుపమ్ ఖేర్ సంతోషం వ్యక్తం చేశారు. ఈ మేరకు ఆయన వీడియోను సోషల్ మీడియా ద్వారా విడుదల చేశారు. ఆర్టికల్ 370ని రద్దు చేయాల్సిన అవసరం ఉందని.. కశ్మీర్ భారతదేశంలో అంతర్భాగమన్నారు.
ఇకపై దానికి సంబంధించిన చర్చలన్నీ ముగిసిపోతాయని నమ్ముతున్నానన్నారు. మరో దర్శకుడు వివేక్ అగ్నిహోత్రి సైతం స్పందించారు. ఆర్టికల్ 370ని రద్దు చేసినందుకు నరేంద్ర మోదీ, అమిత్ షాలకు అభినందనలు, ధన్యవాదాలు తెలిపారు. ఆర్టికల్ 370 రద్దును సమర్థించినందుకు ధన్యవాదాలు చెప్పారు. ఆర్టికల్ 370లోని నిబంధనలను రద్దు చేస్తూ 2019 ఆగస్టు 5న నిర్ణయం తీసుకున్న విషయం తెలిసిందే. దీన్ని సవాల్ చేస్తూ దాఖలైన పిటిషన్లపు సర్వోన్నత న్యాయస్థానం సుదీర్ఘంగా విచారించి.. సోమవారం తీర్పును వెలువరించింది. సీజేఐ చంద్రచూడ్ నేతృత్వంలోని ఐదుగురు న్యాయమూర్తుల బెంచ్ పిటిషన్లపై తీర్పును ఇచ్చింది.