Stand-up Comedian | మరో స్టాండప్ కమెడియన్ అరెస్ట్.. పవన్ కల్యాణ్‌పై వ్యాఖ్యలే కారణం!

PawanKalyan | ఏపీ ఉప ముఖ్యమంత్రి పవన్ కల్యాణ్, ఐటీ శాఖ మంత్రి నారా లోకేష్‌లపై అనుచిత వ్యాఖ్యలు చేశారనే ఆరోపణలతో విశాఖపట్నానికి చెందిన స్టాండప్ కమెడియన్ రఫీక్ మొహమ్మద్‌ను పోలీసులు అరెస్ట్ చేశారు.

Standup Comedian | ఏపీ ఉప ముఖ్యమంత్రి పవన్ కల్యాణ్, ఐటీ శాఖ మంత్రి నారా లోకేష్‌లపై అనుచిత వ్యాఖ్యలు చేశారనే ఆరోపణలతో విశాఖపట్నానికి చెందిన స్టాండప్ కమెడియన్ రఫీక్ మొహమ్మద్‌ను పోలీసులు అరెస్ట్ చేశారు. తన కామెడీ షోల ద్వారా వీరిద్దరి వ్యక్తిగత జీవితాలపై వ్యంగ్య విమర్శలు చేసిన వీడియోలు వైరల్ కావడంతో, మచిలీపట్నానికి చెందిన జనసేన నాయకుడు సాయన శివనారాయణ ఫిర్యాదు మేరకు చిలకలపూడి పోలీసులు ఈ చర్య తీసుకున్నారు. గురువారం రాత్రి విశాఖలోని రఫీక్ నివాసానికి వెళ్లిన పోలీసులు అతడిని అదుపులోకి తీసుకుని, అక్కడి వన్ టౌన్ పోలీస్ స్టేషన్ మీదుగా మచిలీపట్నం తరలించారు. కొద్దిరోజుల క్రితమే ఇదే తరహా ఆరోపణలతో అనుదీప్ కటికల అనే మరో కమెడియన్‌ను కాకినాడ పోలీసులు ఉత్తరప్రదేశ్‌లో అరెస్ట్ చేయగా, ఇప్పుడు రఫీక్ మొహమ్మద్ అరెస్ట్ కావడం టాలీవుడ్ మరియు రాజకీయ వర్గాల్లో చర్చనీయాంశంగా మారింది. రఫీక్ వ్యక్తిగత వివరాలు నెట్టింట లీక్ కావడంతో అతడికి బెదిరింపు కాల్స్ వస్తున్నాయని సమాచారం అందుతుండగా, ప్రజాప్రతినిధులపై సోషల్ మీడియాలో అసభ్యకర పోస్టులు పెడితే కఠిన చర్యలు తప్పవని పోలీసులు స్పష్టం చేశారు.