Anirudh – Kaviya | అనిరుధ్ – కావ్య మారన్ రిసెప్షన్.. ప్రధాని, సీఎం విజయ్ సహా ప్రముఖులకు ఆహ్వానం!

Anirudh Ravichander | ప్రముఖ సంగీత దర్శకుడు అనిరుధ్ రవిచందర్ మరియు సన్‌రైజర్స్ హైదరాబాద్ సహ-యజమాని కావ్య మారన్ వివాహం గురించి ప్రస్తుతం సోషల్ మీడియాలో పెద్ద ఎత్తున చర్చ జరుగుతోంది.

Anirudh Ravichander | ప్రముఖ సంగీత దర్శకుడు అనిరుధ్ రవిచందర్ మరియు సన్‌రైజర్స్ హైదరాబాద్ సహ-యజమాని కావ్య మారన్ వివాహం గురించి ప్రస్తుతం సోషల్ మీడియాలో పెద్ద ఎత్తున చర్చ జరుగుతోంది. నవంబర్‌లో జరగనున్న వీరి వివాహానికి సంబంధించిన రిసెప్షన్ ఆహ్వాన పత్రిక ప్రస్తుతం నెట్టింట వైరల్ అవుతోంది. చెన్నై వేదికగా నవంబర్ 21న అత్యంత వైభవంగా జరగనున్న ఈ రిసెప్షన్‌కు ప్రధాని నరేంద్ర మోదీ, పలు రాష్ట్రాల ముఖ్యమంత్రులు మరియు ప్రముఖ రాజకీయ, సినీ ప్రముఖులను ప్రత్యేకంగా ఆహ్వానించారు.

ఇప్పటికే మారన్ దంపతులు ప్రధాని నరేంద్ర మోదీని కలిసి రిసెప్షన్‌కు ఆహ్వానించగా, ఈ భేటీలో అనిరుధ్ తల్లిదండ్రులు రవి రాఘవేంద్ర, లక్ష్మి రవిచందర్ కూడా పాల్గొన్నారు. అలాగే తమిళనాడు ముఖ్యమంత్రి విజయ్, కాంగ్రెస్ నేతలు సోనియా గాంధీ, ప్రియాంకా గాంధీ, కేంద్ర ఆర్థిక మంత్రి నిర్మలా సీతారామన్, ఆంధ్రప్రదేశ్ ముఖ్యమంత్రి నారా చంద్రబాబు నాయుడు, కర్ణాటక డిప్యూటీ సీఎం డి.కె. శివకుమార్ తదితరులకు ఈ ఆహ్వానాలు అందాయి.

ఈ వేడుకకు రాజకీయ ప్రముఖులతో పాటు సినీ పరిశ్రమ నుంచి కూడా భారీగా అతిథులు హాజరుకానున్నారు. అనిరుధ్ పిన్ని, బాబాయ్ అయిన సూపర్ స్టార్ రజనీకాంత్‌తో పాటు, మ్యూజిక్ మేస్ట్రో ఏఆర్ రెహమాన్, నటుడు శివకార్తికేయన్, అజిత్ కుమార్, దర్శకుడు నెల్సన్ దిలీప్‌కుమార్ మరియు టాలీవుడ్ స్టార్ హీరో అల్లు అర్జున్ తదితరులు ఈ గెస్ట్ లిస్టులో ఉన్నట్లు సమాచారం.

ఇక వీరి వివాహం విషయానికి వస్తే, నవంబర్ 10 మరియు 11 తేదీల్లో గ్రీస్ దేశంలో అత్యంత సన్నిహితులు, కుటుంబ సభ్యుల సమక్షంలో అత్యంత నిరాడంబరంగా జరగనుందని తెలుస్తోంది. వివాహం విదేశాల్లో ముగిసిన తర్వాత, నవంబర్ 21న చెన్నైలో జరగనున్న గ్రాండ్ రిసెప్షన్‌కు అన్ని రంగాల దిగ్గజాలు హాజరై నూతన వధూవరులను ఆశీర్వదించనున్నారు.