Amitabh Bachchan | కేబీసీ సెట్లో అమితాబ్ బచ్చన్కు గాయం.. అభిమానుల్లో ఆందోళన
Amitabh Bachchan | బాలీవుడ్ దిగ్గజ నటుడు అమితాబ్ బచ్చన్కు షూటింగ్ సమయంలో గాయమైంది. ప్రస్తుతం ఆయన ‘కౌన్ బనేగా కరోడ్పతి 18’ కార్యక్రమానికి హోస్ట్గా వ్యవహరిస్తున్న విషయం తెలిసిందే. ఈ షో షూటింగ్ సమయంలో ప్రమాదవశాత్తు జారిపడటంతో ఆయన ఎడమ మోకాలికి గాయమైనట్లు స్వయంగా వెల్లడించారు.
Amitabh Bachchan | బాలీవుడ్ దిగ్గజ నటుడు అమితాబ్ బచ్చన్కు షూటింగ్ సమయంలో గాయమైంది. ప్రస్తుతం ఆయన ‘కౌన్ బనేగా కరోడ్పతి 18’ కార్యక్రమానికి హోస్ట్గా వ్యవహరిస్తున్న విషయం తెలిసిందే. ఈ షో షూటింగ్ సమయంలో ప్రమాదవశాత్తు జారిపడటంతో ఆయన ఎడమ మోకాలికి గాయమైనట్లు స్వయంగా వెల్లడించారు. దీంతో తాజా ఎపిసోడ్లో అమితాబ్ సాధారణంగా కనిపించే విధానానికి భిన్నంగా కూర్చునే తన ప్రసంగాన్ని ప్రారంభించారు.సాధారణంగా ‘కౌన్ బనేగా కరోడ్పతి’ ప్రారంభంలో అమితాబ్ బచ్చన్ వేదిక మధ్యలో నిలబడి ప్రేక్షకులను పలకరిస్తూ తన ఇంట్రో ఇస్తుంటారు. అయితే ఈసారి ఆయన వేదికపై ఉన్న సీటులో కూర్చుని కార్యక్రమాన్ని ప్రారంభించారు. దీంతో ప్రేక్షకుల్లో ఒక్కసారిగా ఆందోళన నెలకొంది.
తనకు గాయం జరిగిన విషయాన్ని అమితాబ్ స్వయంగా వివరిస్తూ.. సాధారణంగా వేదిక మధ్యలో నిలబడి ప్రారంభ ప్రసంగం ఇస్తానని, అయితే షూటింగ్ సమయంలో జారిపడటంతో ఎడమ మోకాలికి దెబ్బ తగిలిందని చెప్పారు. ప్రస్తుతం ఎక్కువసేపు నిలబడటానికి కొంత ఇబ్బందిగా ఉండటంతో కూర్చుని కార్యక్రమాన్ని కొనసాగిస్తున్నట్లు తెలిపారు. అయితే తన గాయం గురించి ప్రేక్షకులు ఆందోళన చెందాల్సిన అవసరం లేదని అమితాబ్ స్పష్టం చేశారు. గాయం అంత తీవ్రమైనది కాదని, పోటీదారులను వేదికపైకి ఆహ్వానించే సమయంలో మాత్రం తాను నిలబడతానని చెప్పారు. దీంతో అక్కడున్న ప్రేక్షకులు, కంటెస్టెంట్లు ఊపిరి పీల్చుకున్నారు. అమితాబ్ త్వరగా కోలుకోవాలని ఆకాంక్షించారు.
83 ఏళ్ల వయసులోనూ అమితాబ్ బచ్చన్ వరుస సినిమాలు, టెలివిజన్ కార్యక్రమాలతో బిజీగా కొనసాగుతున్నారు. ప్రస్తుతం రిభు దాస్గుప్తా దర్శకత్వంలో తెరకెక్కుతున్న ‘సెక్షన్ 84’ చిత్రంలో ఆయన ప్రధాన పాత్రలో నటిస్తున్నారు. కోర్ట్రూమ్ డ్రామాగా రూపొందుతున్న ఈ సినిమాలో డయానా పెంటీ, నిమ్రత్ కౌర్, అభిషేక్ బెనర్జీ కీలక పాత్రల్లో కనిపించనున్నారు. మరోవైపు ప్రభాస్, నాగ్ అశ్విన్ కాంబినేషన్లో వచ్చిన ‘కల్కి 2898 ఏడీ’కి కొనసాగింపుగా తెరకెక్కుతున్న రెండో భాగంలోనూ అమితాబ్ బచ్చన్ తన అశ్వత్థామ పాత్రను కొనసాగించనున్నారు. ఈ సినిమాలో ప్రభాస్తో పాటు కమల్ హాసన్ కూడా కీలక పాత్రలో కనిపించనున్నారు. ఇక ‘ఆంఖేన్ 2’లోనూ అమితాబ్ బచ్చన్ నటించనున్నట్లు సమాచారం. ఇలా ఒకవైపు సినిమాలతో, మరోవైపు ‘కౌన్ బనేగా కరోడ్పతి 18’తో బిజీగా ఉన్న బిగ్ బీకి షూటింగ్ సమయంలో గాయం కావడంతో ఆయన అభిమానులు ఆందోళన చెందుతున్నారు. అయితే గాయం పెద్దది కాదని అమితాబ్ స్వయంగా చెప్పడంతో అభిమానులు ఊరట చెందుతున్నారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
TTD | సెక్యూరిటీ ,విజిలెన్స్ గార్డు నియామక నిబంధనల్లో ఎలాంటి మార్పులు చేయలేదు : టీటీడీ
YS Jagan | సమగ్రమైన కుల గణనకు వైసీపీ మద్దతు : వైఎస్ జగన్
Health tips | మీ రోజువారీ డైట్లో వెల్లిపాయలుంటే కలిగే 10 ఆరోగ్య ప్రయోజనాల గురించి తెలుసా..?
Inter Exams schedule | రాష్ట్రంలో ఇంటర్ పరీక్షల షెడ్యూల్ విడుదల..!
Diabetes | వయసుతోపాటు బీపీ, షుగర్, కొలెస్ట్రాల్ వస్తాయా? పోషకాహార నిపుణుల కీలక హెచ్చరిక..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

