షర్ట్‌ నలగకుండా 500 కోట్లు

సూపర్‌స్టార్‌ రజనీకాంత్‌ నటించిన ‘జైలర్‌-2’ చిత్రం బాక్సాఫీస్‌ వద్ద సంచలన వసూళ్లతో దూసుకుపోతున్నది. కేవలం వారంరోజుల్లోనే ఈ సినిమా 500కోట్ల వసూళ్ల మైలురాయిని దాటింది. తాజాగా ఈ సినిమాపై అగ్ర హీరో అల్లు అర్జున్‌ ప్రశంసలు కురిపించారు. ఈ మేరకు ఆయన తన ఎక్స్‌ ఖాతాలో ఓ పోస్ట్‌ పెట్టారు. రజనీకాంత్‌ స్టార్‌డమ్‌ ఏ స్థాయిలో ఉందో, ఆయన ైస్టెల్‌, స్వాగ్‌కు అభిమానులు ఎంతలా ఫిదా అయ్యారో ఈ సినిమా చూస్తే అర్థమవుతుందని కొనియాడారు.

• ‘జైలర్‌-2’పై బన్నీ ప్రశంసలు

సూపర్‌స్టార్‌ రజనీకాంత్‌ నటించిన ‘జైలర్‌-2’ చిత్రం బాక్సాఫీస్‌ వద్ద సంచలన వసూళ్లతో దూసుకుపోతున్నది. కేవలం వారంరోజుల్లోనే ఈ సినిమా 500కోట్ల వసూళ్ల మైలురాయిని దాటింది. తాజాగా ఈ సినిమాపై అగ్ర హీరో అల్లు అర్జున్‌ ప్రశంసలు కురిపించారు. ఈ మేరకు ఆయన తన ఎక్స్‌ ఖాతాలో ఓ పోస్ట్‌ పెట్టారు. రజనీకాంత్‌ స్టార్‌డమ్‌ ఏ స్థాయిలో ఉందో, ఆయన ైస్టెల్‌, స్వాగ్‌కు అభిమానులు ఎంతలా ఫిదా అయ్యారో ఈ సినిమా చూస్తే అర్థమవుతుందని కొనియాడారు. దర్శకుడు నెల్సన్‌ దిలీప్‌ కుమార్‌ ఈ చిత్రాన్ని ఆద్యంతం ఉత్కంఠను రేకెత్తిస్తూ అద్భుతంగా తీర్చిదిద్దాడని, ఈ ఏడాది గొప్ప కమర్షియల్‌ ఎంటర్‌టైనర్‌ ఇదని అన్నారు. సంగీత దర్శకుడు అనిరుధ్‌ రవిచందర్‌ అందించిన సంగీతం సినిమాలో హైలైట్‌గా నిలిచిందని ప్రశంసించారు. చొక్కా నలగకుండా 500కోట్లు కొట్టడం ఒక్క రజనీకాంత్‌కే సాధ్యం అని బన్నీ తన పోస్ట్‌లో పేర్కొన్నారు.

ఈ ఏడాది సెకండ్‌ హయ్యెస్ట్‌ గ్రాసర్‌
ఈ ఏడాది విడుదలైన సినిమాల్లో ‘ధురంధర్‌-2’ 1813 కోట్ల వసూళ్లతో భారతీయ బాక్సాఫీస్‌ వద్ద అత్యధిక వసూళ్లు సాధించిన చిత్రంగా నిలిచింది. ఈ సినిమా తర్వాత ‘జైలర్‌-2’ 576కోట్ల వసూళ్లతో రెండో స్థానంలో ఉంది. అయితే ఈ ఏడాది పూర్తవడానికి మరో రెండు నెలలకుపైగా సమయం ఉండటంతో అప్పుడే బాక్సాఫీస్‌ తుది ఫలితాలపై స్పష్టత ఇవ్వలేమని ట్రేడ్‌ వర్గాలు చెబుతున్నాయి.