Allu Arjun | ‘తండేల్’ కోసం రాబోతున్న‌ పుష్ప‌రాజ్.!

Naga Chaitanya Thandel | ఐకాన్ స్టార్ అల్లు అర్జున్ చాలా రోజుల త‌ర్వాత ఒక సినిమా వేడుక‌లో పాల్గోన‌బోతున్న‌ట్లు తెలుస్తుంది.

Naga Chaitanya Thandel Movie | పుష్ప 2 సినిమాతో ఇండియా వైడ్ బ్లాక్ బ‌స్ట‌ర్ అందుకున్న ఐకాన్ స్టార్ అల్లు అర్జున్ చాలా రోజుల త‌ర్వాత ఒక సినిమా వేడుక‌లో పాల్గోన‌బోతున్న‌ట్లు తెలుస్తుంది. పుష్ప 2 విడుద‌ల సంద‌ర్భంగా సంధ్య థియేట‌ర్ వ‌ద్ద జ‌రిగిన ఘ‌టన‌లో అరెస్ట్ అయిన అల్లు అర్జున్ ఆ త‌ర్వాత బెయిల్ మీద బ‌య‌టికి వ‌చ్చిన విష‌యం తెలిసిందే. ఆ ఘ‌ట‌న అనంతరం మీడియా ముందుకు రావ‌డం చాలా త‌గ్గించాడు అల్లు అర్జున్. తాజాగా ఆయ‌న త‌న తండ్రి నిర్మాణంలో వ‌స్తున్న సినిమా ఈవెంట్‌కి గెస్ట్‌గా హాజ‌రుకాబోతున్నాడు.

నటుడు అక్కినేని నాగ చైతన్య(Naga Chaitanya) ప్ర‌ధాన పాత్ర‌లో న‌టిస్తున్న తాజా చిత్రం తండేల్ (Thandel). మ‌ల‌యాళీ బ్యూటీ సాయి ప‌ల్ల‌వి క‌థ‌నాయిక‌గా న‌టిస్తుండ‌గా.. చందు మొండేటి ద‌ర్శ‌క‌త్వం వ‌హిస్తున్నాడు. గీతా ఆర్ట్స్‌ బ్యానర్‌పై అల్లు అర‌వింద్ ఈ సినిమాను నిర్మిస్తున్నారు. ఇప్ప‌టికే షూటింగ్ పూర్తి చేసుకున్న ఈ చిత్రం ఫిబ్ర‌వ‌రి 07న ప్రేక్ష‌కుల ముందుకు రానుంది. ఈ సంద‌ర్భంగా వ‌రుస ప్ర‌మోష‌న్స్ నిర్వ‌హిస్తుంది చిత్ర‌బృందం.

తాజాగా తండేల్ ప్రీ రిలీజ్ వేడుక‌ను నిర్వ‌హించ‌బోతుండ‌గా.. ఈ వేడుక‌కు ముఖ్య అతిథిగా అల్లు అర్జున్ రాబోతున్న‌ట్లు తెలుస్తుంది. ఇక చాలా రోజుల త‌ర్వాత అల్లు అర్జున్ ఒక మూవీ వేడుక‌కు వ‌స్తుండ‌టంతో ప్రేక్ష‌కుల‌తో పాటు ఆయ‌న అభిమానులు ఆస‌క్తిక‌రంగా ఎదురుచూస్తున్నారు.

𝐏𝐔𝐒𝐇𝐏𝐀 𝐑𝐀𝐉🔥for 𝐓𝐇𝐀𝐍𝐃𝐄𝐋 𝐑𝐀𝐉 ⚓🌊

ICON STAR @alluarjun garu will grace the #ThandelJaathara on February 1st in Hyderabad ❤️‍🔥

Stay excited for more details #Thandel GRAND RELEASE WORLDWIDE ON FEBRUARY 7th.#ThandelonFeb7th #AlluArjun pic.twitter.com/n1fhBVJ8gg

— Thandel (@ThandelTheMovie) January 31, 2025