మొదలైన పుష్ప: ది ర్యాంపేజ్‌ పనులు?

‘పుష్ప’ ఫ్రాంచైజీతో పానిండియా స్టార్‌గా అవతరించారు అగ్ర హీరో అల్లు అర్జున్‌. ప్రస్తుతం ఆయన అట్లీ దర్శకత్వంలో భారీ పానిండియా సినిమా చేస్తున్న విషయం తెలిసిందే. ఈ సినిమా తర్వాత మరో తమిళ దర్శకుడు లోకేష్‌ కనకరాజ్‌ దర్శకత్వంలోనూ ఓ సినిమా చేస్తారు బన్నీ. మరి ‘పుష్ప 3’ ఎప్పుడు?.. ఇప్పుడు అటు అభిమానుల్లోనూ, ఇటు ఆడియన్స్‌లోనూ ఇదే ప్రశ్న.

‘పుష్ప’ ఫ్రాంచైజీతో పానిండియా స్టార్‌గా అవతరించారు అగ్ర హీరో అల్లు అర్జున్‌. ప్రస్తుతం ఆయన అట్లీ దర్శకత్వంలో భారీ పానిండియా సినిమా చేస్తున్న విషయం తెలిసిందే. ఈ సినిమా తర్వాత మరో తమిళ దర్శకుడు లోకేష్‌ కనకరాజ్‌ దర్శకత్వంలోనూ ఓ సినిమా చేస్తారు బన్నీ. మరి ‘పుష్ప 3’ ఎప్పుడు?.. ఇప్పుడు అటు అభిమానుల్లోనూ, ఇటు ఆడియన్స్‌లోనూ ఇదే ప్రశ్న.

ఈ ప్రశ్నకు సమాధానం వచ్చేసింది. బన్నీ తన ప్రాజెక్టులతో ప్రస్తుతం బిజీగా ఉన్నారు. అలాగే దర్శకుడు సుకుమార్‌ కూడా త్వరలో రామ్‌చరణ్‌ సినిమాను డైరెక్ట్‌ చేయబోతున్నారు. ఈ ప్రాజెక్టులన్నీ పూర్తయితే గానీ ‘పుష్పరాజ్‌’ లైన్లోకి రాడు. అయితే.. ఇన్‌సైడ్‌ టాక్‌ ప్రకారం ‘పుష్ప: ది ర్యాంపేజ్‌’ పనులు నిదానంగా మొదలైనట్టు తెలిసింది. ఈ సినిమా కోసం హైదరాబాద్‌లో ప్రత్యేకంగా ఓ ఆఫీసును కూడా లీజుకు తీసుకున్నదట సుకుమార్‌ అండ్‌ టీమ్‌.

ప్రస్తుతం ఆ ఆఫీసులో స్క్రిప్ట్‌ వర్క్‌ శరవేగంగా జరుగుతున్నదని టాక్‌ నడుస్తున్నది. ఈ మూడో భాగంలో ఎర్రచందనం సామ్రాజ్యాన్ని పుష్పరాజ్‌ తిరిగి ఎలా కైవసం చేసుకున్నాడు? శత్రువులను ఎలా అంతం చేశాడు? అనేదే ప్రధాన ఇతివృత్తంగా ఉంటుందని వినికిడి. ఏదేమైనా ఈ సినిమా సెట్స్‌కి వెళ్లాలంటే.. అది రెండేళ్ల పైమాటే.