అల్లు అర్జున్‌, అట్లీల అంతర్జాతీయ చిత్రం

‘పుష్పా’ ఫ్రాంచైజీ తర్వాత అల్లు అర్జున్‌ ఇమేజ్‌ ఆకాశమంత ఎత్తుకు చేరుకుంది. దాంతో ఆయన తాజా సినిమాకోసం అభిమానులేకాక, సగటు ప్రేక్షకులు కూడా ఆసక్తిగా ఎదురుచూస్తున్నారు.

‘పుష్పా’ ఫ్రాంచైజీ తర్వాత అల్లు అర్జున్‌ ఇమేజ్‌ ఆకాశమంత ఎత్తుకు చేరుకుంది. దాంతో ఆయన తాజా సినిమాకోసం అభిమానులేకాక, సగటు ప్రేక్షకులు కూడా ఆసక్తిగా ఎదురుచూస్తున్నారు. ఎట్టకేలకు ఐకాన్‌స్టార్‌ కొత్త సినిమా అప్‌డేట్‌ వచ్చేసింది. మంగళవారం ఆయన పుట్టినరోజు. ఈ సందర్భంగా కొత్త సినిమా అప్‌డేట్‌ని తెలియజేస్తూ.. లాస్‌ ఏంజెల్స్‌లోని ఓ స్టూడియోలో అల్లు అర్జున్‌, దర్శకుడు అట్లీ, హాలీవుడ్‌ టెక్నీషియన్స్‌పై చిత్రీకరించిన ఓ వీడియోను మేకర్స్‌ విడుదల చేశారు.

పానిండియా డైరెక్టర్‌ అట్లీ దర్శకత్వంలో సన్‌ పిక్చర్స్‌ పతాకంపై కళానిధి మారన్‌ ఈ అంతర్జాతీయ చిత్రాన్ని నిర్మించనున్నారు. ‘A22 x A6’గా పిలవబడుతున్న ఈ చిత్రం భారతీయ విలువలతో కూడిన కథనంతో ఓ భారీ ఎమోషనల్‌ యాక్షన్‌ ఎంటర్‌టైనర్‌గా ఉంటుందని మేకర్స్‌ చెబుతున్నారు.

అంతర్జాతీయ స్థాయిలో ఆకర్షించేలా యాక్షన్‌, భావోద్వేగాలు ఉంటాయని, అత్యంత ప్రతిష్టాత్మకంగా గ్రాఫిక్స్‌, విజువల్‌ ఎఫెక్ట్స్‌, హాలీవుడ్‌ స్థాయి మేకింగ్‌తో సినిమా రూపొందనున్నదని మేకర్స్‌ వెల్లడించారు. ఈ ఏడాది చివర్లో చిత్రీకరణ మొదలుకానున్న ఈ పానిండియా సినిమాకు సంబంధించిన మిగతా విషయాలు త్వరలోనే వెల్లడికానున్నాయి.