Visit:
దేశవ్యాప్తంగా అలియాభట్‌కు ఉన్న ఫాలోయింగ్‌ సామాన్యమైనది కాదు. నేటి యువతరానికి అభిమాన నాయికగా అవతరించింది అలియా. ఆమె ఇమేజ్‌ జయాపజయాలకు అతీతం. ఇటీవల ఇచ్చిన ఓ ఇంటర్వ్యూలో కెరీర్‌ ఆరంభంలో తాను ఎదుర్కొన్న సమస్యల గురించి ఆసక్తికరంగా చెప్పుకొచ్చింది అలియా. ‘నేను చిన్నప్పట్నుంచి కాస్త బొద్దు.
నా లుక్‌ గురించి నేనెప్పుడూ ఫీలవ్వలేదు కూడా. కానీ హీరోయిన్‌ అవ్వాలనుకున్నప్పుడు మాత్రం నన్ను నేను మార్చుకోవాల్సి వచ్చింది. దానికోసం చాలా కష్టపడ్డా. సరిగ్గా తినేదాన్ని కాదు, జిమ్‌లో గంటల తరబడి చమటోడ్చేదాన్ని. నా డైట్‌ చూసి నా ఫ్రెండ్స్‌ భయపడేవాళ్లు. ‘డైటింగ్‌ ఆపేయ్‌.. నచ్చింది తిను.
ప్రశాంతంగా ఉండు. ఎందుకీ అవస్థ..’ అంటూ నచ్చజెప్పేందుకు ప్రయత్నించేవారు. నేను మాత్రం వారి మాటల్ని అస్సలు ఖాతరు చేసేదాన్ని కాదు. బరువు తగ్గాక అందులో ఉండే ఆనందం ఏంటో అర్థమైంది. ఇక బరువు విషయంలో కంట్రోల్‌గా ఉండాలని నిర్ణయించుకున్నా’ అని గుర్తుచేసుకున్నది అలియా భట్‌.
