Visit:
Jigra Movie Trailer | రాకీ ఔర్ రాణి కి ప్రేమ్ కహానీ (Rocky Aur Rani Kii Prem Kahaani) వంటి బ్లాక్ బ‌స్టర్ త‌ర్వాత బాలీవుడ్ న‌టి అలియా భట్ న‌టిస్తున్న తాజా చిత్రం ‘జిగ్రా’(JIGRA). ఈ సినిమాను ధ‌ర్మ ప్రోడ‌క్ష‌న్స్ బ్యాన‌ర్‌పై కరణ్ జోహార్, అపూర్వ మెహతా, అలియా భట్, షాహీన్ భట్ & సోమెన్ మిశ్రా సంయుక్తంగా నిర్మిస్తుండ‌గా.. మౌనిక ఓ మై డార్లింగ్ సినిమా ఫేం వ‌స‌న్ బాల ద‌ర్శ‌క‌త్వం వ‌హిస్తున్నాడు. ఈ సినిమా ద‌స‌రా కానుక‌గా అక్టోబ‌ర్ 11న విడుద‌ల కానుంది. విడుద‌ల తేదీ ద‌గ్గ‌ర ప‌డ‌టంతో ఇప్ప‌టికే మూవీ నుంచి టీజ‌ర్‌తో పాటు ట్రైల‌ర్‌ను విడుద‌ల చేసిన విష‌యం తెలిసిందే. ఇదిలావుంటే తాజాగా ఈ సినిమాను తెలుగులో కూడా విడుద‌ల చేయ‌బోతున్నారు మేక‌ర్స్. ఈ సంద‌ర్భంగా మూవీ నుంచి ‘జిగ్రా’ తెలుగు ట్రైల‌ర్‌ను విడుద‌ల చేశారు.
బ్ర‌ద‌ర్, సిస్ట‌ర్ సెంటిమెంట్‌తో ఈ సినిమా రాబోతున్న‌ట్లు తెలుస్తుంది. రాఖీ క‌ట్టి తన అక్క‌కు ఏ క‌ష్టం వ‌చ్చిన చూసుకుంటాను అంటారు సోద‌రులు. కానీ ఇక్క‌డ తన త‌మ్ముడికి క‌ష్టం వ‌స్తే.. అతనికి ఎలాంటి హానీ జరగకుండా కాపాడుకుంటానని అలియా భట్ ఒక అక్కగా ప్ర‌మాణం చేస్తుంది. అయితే అస‌లు తన త‌మ్ముడికి వ‌చ్చిన క‌ష్టం ఏంటి. అక్కగా అలియా ఏం చేసింది అనేది తెలియాలంటే సినిమా చూడాల్సిందే. ‘ఆర్చీస్‌’ చిత్రంలో కీలక పాత్ర పోషించినవేదాంగ్ రైనా అలియా భట్ తమ్ముడిగా న‌టిస్తుండ‌గా.. టాలీవుడ్ న‌టుడు రాహుల్ రవీంద్రన్ కీలక పాత్ర పోషిస్తున్నాడు.
