తెలంగాణ ప్రేమకథ శనార్తి

‘రాజు వెడ్స్‌ రాంబాయి’ ఫేమ్‌ అఖిల్‌రాజ్‌, తెలంగాణ జానపద గీతాల ద్వారా పేరు తెచ్చుకున్న నాగదుర్గ జంటగా నటిస్తున్న తాజా చిత్రం ‘శనార్తి’ శుక్రవారం హైదరాబాద్‌లో ప్రారంభమైంది.

‘రాజు వెడ్స్‌ రాంబాయి’ ఫేమ్‌ అఖిల్‌రాజ్‌, తెలంగాణ జానపద గీతాల ద్వారా పేరు తెచ్చుకున్న నాగదుర్గ జంటగా నటిస్తున్న తాజా చిత్రం ‘శనార్తి’ శుక్రవారం హైదరాబాద్‌లో ప్రారంభమైంది. సంపత్‌నంది టీమ్‌ వర్క్స్‌, శ్రీధనలక్ష్మి ప్రొడక్షన్స్‌ పతాకాలపై కేవీ శ్రీధర్‌ రెడ్డి ఈ చిత్రాన్ని నిర్మిస్తున్నారు. రాజ్‌గణేష్‌ దర్శకుడిగా పరిచయమవుతున్నాడు. ఈ సందర్భంగా ఆవిష్కరించిన టైటిల్‌ పోస్టర్‌ ‘ఏ టేల్‌ ఆఫ్‌ కల్చర్‌’ అనే ట్యాగ్‌లైన్‌తో తెలంగాణ సంస్కృతి, సంప్రదాయాలు, వేడుకల్ని ప్రతిబింబించేలా ఉంది.

అగ్ర దర్శకుడు, చిత్ర నిర్మాతల్లో ఒకరైన సంపత్‌నంది చిత్ర విశేషాలు తెలియజేస్తూ ‘తెలంగాణ పల్లెల్లో ప్రజలు ఆత్మీయంగా పలకరించుకునే సందర్భంలో ఉపయోగించే పదం ‘శనార్తి’. ఈ ప్రేమకథకు ఈ పదం అచ్చంగా సరిపోతుంది. అఖిల్‌రాజ్‌-నాగదుర్గ జోడీ ఈ కథకు బాగా కుదిరారు’ అన్నారు. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలో వెల్లడించనున్నారు. ఈ చిత్రానికి సంగీతం: సురేష్‌ బొబ్బిలి, సమర్పణ: ఆదిత్య మూవీస్‌, దర్శకత్వం: రాజ్‌గణేష్‌ ఉప్పునూత.