Akhanda:ఓవ‌ర్సీస్‌లోను అఖండ ఊచ‌కోత‌.. క‌లెక్షన్ల ప్ర‌వాహం ఆగ‌డం లేదుగా..!

నందమూరి బాలకృష్ణ – బోయపాటి శ్రీను కాంబినేషన్ లో వచ్చిన అఖండ సినిమా బాక్సాఫీస్ ద‌గ్గ‌ర మంచి వ‌సూళ్ల‌తో దూసుకుపోతుంది. రెండవ రోజు కూడా బాక్సాఫీస్ వద్ద తన సత్తాను చాటింది. గతంలో ఎప్పుడు లేని విధంగా బాలయ్య తన కెరీర్ లోనే అత్యధిక ఓపెనింగ్స్ అందుకోవడం విశేషం. రెండు వేరియేషన్ లో కూడా బాలయ్య లోని మాస్ విశ్వరూపం చూపించ‌డంతో కేవలం తెలుగు రాష్ట్రాల్లోనే కాకుండా ఓవర్సీస్‌లో కూడా ఈ సినిమా వసూళ్ల ప్రభంజనాన్ని సృష్టిస్తుంది.

ట్రేడ్ లెక్కల ప్రకారం అమెరికాలో ఈ చిత్రం హాఫ్ మిలియన్ (550K+) డాలర్స్ మార్క్‌ని సంపాదించుకుంది. అయితే 2021లో ఒక తెలుగు సినిమాకి ఈ తరహా కలెక్షన్స్ రావడం ఇదే తొలిసారి కావటం విశేషం. ఇదే జోరు కొనసాగితే ఈ వీకెండ్ లోపలే వన్ మిలియన్ మార్క్ చేరుకోవడం గ్యారంటీ. ఈ సినిమా కేవలం ప్రీమియర్ షోల ద్వారానే భారీ వ‌సూళ్లు రాబట్టింది. ఇంతటి స్థాయిలో ఈ ఏడాదిలో ఏ సినిమా వసూళ్లను సాధించలేదు.

అఖండ సినిమా నందమూరి బాలకృష్ణ కెరీర్ లోనే అత్యధిక ప్రీ రిలీజ్ బిజినెస్ తో విడుదల అయ్యింది. ఇక బాక్సాఫీస్ వద్ద సక్సెస్ అవ్వాలి అంటే మొత్తంగా 60కోట్లకు పైగా వసూళ్లను అందుకోవాల్సి ఉంటుంది. మొదటి రోజు వచ్చిన షేర్ ను బట్టి చూస్తే ఈ సినిమా ఈ వారంలోనే బ్రేక్ ఈవెన్ సాధించే అవకాశం ఉన్నట్లు తెలుస్తోంది.ఇందులో బాలయ్య సరసన ప్రగ్యా జైస్వాల్ హీరోయిన్‏గా నటించగా.. విలన్ పాత్రలో శ్రీకాంత్ అదరగొట్టాడు. ఈ చిత్రాన్ని ద్వారక క్రియేషన్స్ బ్యానర్ పై నిర్మించగా. థమన్ సంగీతం అందించారు.