Aishwarya Rai | ‘నో’ అనగలిగితేనే నిజమైన శక్తి.. ఐశ్వ‌ర్య‌రాయ్ ఆస‌క్తిక‌ర వ్యాఖ్య‌లు

Aishwarya Rai |‘నో’ అనగలిగితేనే నిజమైన శక్తి.. ఐశ్వ‌ర్య‌రాయ్ ఆస‌క్తిక‌ర వ్యాఖ్య‌లునేటి సమాజంలో చాలా మంది తమ సొంత ఆలోచనలను పక్కన పెట్టి, ఇతరులు చెప్పిందే శాసనంగా భావిస్తూ ముందుకు సాగుతున్నారు. నిజానిజాలు తెలుసుకునే ప్రయత్నం చేయకుండా, ఎదుటివారు చెప్పిన ప్రతీ మాటకీ తల ఊపడం ఒక అలవాటుగా మారిపోయింది.

Aishwarya Rai |‘నో’ అనగలిగితేనే నిజమైన శక్తి.. ఐశ్వ‌ర్య‌రాయ్ ఆస‌క్తిక‌ర వ్యాఖ్య‌లునేటి సమాజంలో చాలా మంది తమ సొంత ఆలోచనలను పక్కన పెట్టి, ఇతరులు చెప్పిందే శాసనంగా భావిస్తూ ముందుకు సాగుతున్నారు. నిజానిజాలు తెలుసుకునే ప్రయత్నం చేయకుండా, ఎదుటివారు చెప్పిన ప్రతీ మాటకీ తల ఊపడం ఒక అలవాటుగా మారిపోయింది. అర్థం కాని విషయాలు అర్థమైనట్లుగా నటించడం, ఇష్టం లేకపోయినా పరిస్థితుల ఒత్తిడితో ఒప్పుకోవడం… ఇవన్నీ ఈ తరంలో ఎక్కువగా కనిపిస్తున్న అంశాలు. ప్రత్యేకంగా మహిళలు ఈ విషయంలో మరింత అప్రమత్తంగా ఉండాల్సిన అవసరం ఉందని మానసిక నిపుణులు చెబుతున్నారు. కుటుంబంలోనైనా, ఉద్యోగ జీవితంలోనైనా, సమాజంలోనైనా తమ భావాలను లోపలే దాచుకుని, ఇతరుల సంతృప్తి కోసమే నిర్ణయాలు తీసుకోవడం చివరకు మానసిక ఒత్తిడికి దారితీస్తుందని హెచ్చరిస్తున్నారు.

ఇటీవల ఈ అంశంపై ప్రముఖ నటి ఐశ్వర్యారాయ్ చేసిన వ్యాఖ్యలు విస్తృత చర్చకు దారి తీశాయి. “మహిళలకు ఉన్న అతిపెద్ద ఆయుధం వారి గొంతుకే” అని ఆమె స్పష్టంగా పేర్కొన్నారు. నచ్చని విషయం ఎదురైనప్పుడు నిర్మొహమాటంగా ‘నో’ చెప్పగలగడమే నిజమైన ఆత్మవిశ్వాసానికి నిదర్శనమని ఆమె అభిప్రాయపడ్డారు. ఓపెన్‌గా తమ అభిప్రాయాన్ని వ్యక్తపరిచినప్పుడే మహిళల్లోని శక్తి, సామర్థ్యాలు బయటకు వస్తాయని ఆమె అన్నారు. విజయాలను ఎంత ఆనందంగా స్వీకరిస్తామో, వైఫల్యాలను కూడా అంతే ధైర్యంగా ఎదుర్కోవాలని ఆమె సూచించారు. మన విలువలకు విరుద్ధంగా ఉన్న వాటిని తిరస్కరించడం తప్పు కాదని, అవసరమైన చోట ‘నో’ చెప్పడం వల్ల ఆత్మగౌరవం మరింత పెరుగుతుందని ఆమె తెలిపారు. అలా చేయడం ద్వారా మానసికంగా ప్రశాంతత లభిస్తుందని మానసిక నిపుణులు కూడా స్పష్టంగా చెబుతున్నారని గుర్తు చేశారు.

జీవితంలో కొన్ని హద్దులు గీసుకుని జీవించినప్పుడే వ్యక్తిగత విలువ, సామాజిక గౌరవం పెరుగుతాయని నిపుణుల అభిప్రాయం. సులభమైన పనులనే కాదు, కష్టమైన పరిస్థితులను కూడా ఒక సవాల్‌గా తీసుకుని ముందుకు సాగినప్పుడే నిజమైన ఎదుగుదల సాధ్యమవుతుందని వారు సూచిస్తున్నారు. ఇదిలా ఉండగా, ఐశ్వర్యారాయ్ సినీ ప్రయాణం కూడా ఇదే ధైర్యమైన నిర్ణయాలకు ప్రతీకగా మారిందని అభిమానులు భావిస్తున్నారు. ఇటీవల కొన్ని అవకాశాలు వచ్చినా, తనకు నచ్చని పాత్రల్ని స్వీకరించకుండా వెనక్కి తగ్గిన ఆమె నిర్ణయం ఇప్పుడు చర్చనీయాంశంగా మారింది. మణిరత్నం దర్శకత్వంలో తెరకెక్కిన ‘పొన్నియన్ సెల్వన్’ ఆమె చివరి సినిమా కాగా, అదే దర్శకుడి ‘ఇరువార్’ చిత్రంతోనే ఆమె నటిగా పరిచయమైంది. కెరీర్ ఆరంభం నుంచి ముగింపు వరకు తన నిర్ణయాల్లో స్పష్టతను చూపిన అరుదైన నటిగా ఐశ్వర్యారాయ్ నిలిచారని సినీ వర్గాలు అభిప్రాయపడుతున్నాయి.