Samantha | గుర్తుపెట్టుకోండి.. మంచిరోజులు వ‌స్తాయి.. వైర‌ల్‌గా మారిన స‌మంత పోస్టు

November 15, 2021 / 02:58 PM IST

Samantha | అగ్ర కథానాయిక సమంత ఇటీవలకాలంలో సోషల్‌మీడియాలో చేస్తున్న పోస్ట్‌లు అభిమానుల్లో ఆసక్తిని రేకెత్తిస్తున్నాయి. గతంలో తన సినిమా తాలూకు విశేషాలు, ఫిట్‌నెస్‌ గురించిన వీడియోల్ని ఎక్కువగా పోస్ట్‌ చేసే ఈ అమ్మడు ఈ మధ్యన ఫిలాసఫికల్‌ కోట్స్‌ను తరచుగా షేర్‌ చేస్తున్నది. నాగచైతన్యతో విడాకుల అనంతరం ఆ సంఘర్షణ నుంచి ఉపశమనం కోసం సమంత ఈ మార్గాన్ని ఎంచుకుందని ఆమె అభిమానులు భావిస్తున్నారు. తన ఇన్‌స్టాగ్రామ్‌ ఖాతాలో ఇటీవల సమంత చేసిన పోస్ట్‌ అందరి దృష్టిని ఆకట్టుకుంటున్నది . చదవండి : రాజ‌శేఖ‌ర్ కూతురు కావ‌డం కెరీర్‌కు ప్ల‌స్సా.. మైన‌స్సా? శివానీ రాజ‌శేఖ‌ర్ ఫీలింగ్ ఏంటి?

‘గుర్తుపెట్టుకోండి… ఎల్లప్పుడూ మంచి వార్తలు మన దారిలో వస్తూనే ఉంటాయి’ అనే భావం స్ఫురించేలా ఉన్న ఓ ఫొటోను షేర్‌ చేసింది. బాధల నుంచి విముక్తి పొంది మంచిరోజుల కోసం వేచి చూడాలనే ఆశావహదృక్పథాన్ని ప్రతిఫలించేలా ఉన్న ఈ మాటలు ఆమె అభిమానుల హృదయాల్ని తాకాయి. ప్రస్తుతం సమంత వరుస సినిమాలతో బిజీగా ఉంది. ఆమె నటించిన తెలుగు చిత్రం ‘శాకుంతలం’ చిత్రీకరణ పూర్తిచేసుకొని విడుదలకు సిద్ధంగా ఉంది. ఇటీవలే తమిళంలో డ్రీమ్‌ వారియర్‌ పిక్చర్స్‌ నిర్మించనున్న భారీ చిత్రానికి అంగీకరించింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి