Tamil movies for sankranthi | సంక్రాంతికి కేవలం మన సినిమాలు మాత్రమే రావాలని కొన్నేళ్ల కిందట దర్శక నిర్మాతలు ఒక నిర్ణయం తీసుకున్నారు. కానీ అది ఇప్పటికీ అమలు కావడం లేదు. ప్రతి సంవత్సరం డబ్బింగ్ సినిమాలు విడుదల అవుతున్నాయి. ముఖ్యంగా తమిళ సినిమాలు మన పండక్కి వస్తున్నాయి. గత కొన్నేళ్లుగా రజినీకాంత్ వరుసగా తన సినిమాలను సంక్రాంతి బరిలో ఉంచుతున్నాడు. అయితే ఈసారి ఆయన స్థానాన్ని అజిత్ తీసుకుంటున్నాడు. ఆయన హీరోగా నటిస్తున్న వలిమై సినిమా జనవరి 13న ప్రపంచ వ్యాప్తంగా విడుదల కానుంది. సిహెచ్ వినోద్ తెరకెక్కిన ఈ సినిమాలో కార్తికేయ విలన్గా నటించాడు. తమిళం, తెలుగు, హిందీ, మలయాళంలో ఒకే రోజు ఈ సినిమా విడుదల కానుంది. ఈ సినిమా తెలుగు పోస్టర్ నాగచైతన్య చేతులమీదుగా విడుదలైంది.
మరోవైపు విశాల్ సామాన్యుడు సినిమాతో జనవరి 14న ప్రేక్షకుల ముందుకు వస్తున్నాడు. శరవణన్ తెరకెక్కించిన ఈ సినిమాపై తమిళనాట మంచి అంచనాలు ఉన్నాయి. ఇక ఓకే బంగారం, మహానటి, కనులు కనులను దోచాయంటే, కురూప్ సినిమాలతో తెలుగులో కూడా మంచి గుర్తింపు తెచ్చుకున్న దుల్కర్ సల్మాన్ ఈసారి సంక్రాంతి బరిలో ఉన్నాడు. ఆయన హీరోగా నటించిన సెల్యూట్ సినిమా జనవరి 14న విడుదల కానుంది. ఇందులో సిన్సియర్ పోలీస్ ఆఫీసర్ గా నటిస్తున్నాడు దుల్కర్ సల్మాన్. ఈ ముగ్గురు స్టార్ హీరోలు తమ డబ్బింగ్ సినిమాలతో తెలుగు ఇండస్ట్రీపైకి దండయాత్రకు వస్తున్నారు.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
Pushpa in OTT | RRR డేట్ను బ్లాక్ చేసిన పుష్ప.. ఓటీటీలో వచ్చేది అప్పుడే
RGV | కొడాలి నానికి షాకింగ్ కౌంటర్ ఇచ్చిన ఆర్జీవీ.. నెట్టింట వైరలవుతున్న ట్వీట్
బిగ్ బీ అమితాబ్ ఇంట్లో కరోనా కలకలం
షణ్ముఖ్ బాటలోనే సిరి కూడా.. బ్రేకప్ దిశగా అడుగులు..