Nithya Menen | పెళ్ళి వార్త‌ల‌పై క్లారిటీ ఇచ్చిన‌ నిత్య‌మీన‌న్‌

Nithya Menen clarifies About Marriage | ‘అలా మొద‌లైంది’ సినిమాతో తెలుగు ప్రేక్ష‌కుల‌కు ప‌రిచ‌య‌మైంది నిత్యమీన‌న్‌. మొద‌టి సినిమాతోనే తెలుగులో భారీ విజ‌యం సాధించింది. ఆ త‌రువాత ‘ఇష్క్’, ‘గుండెజారి గ‌ల్లంత‌య్యిందే’, ‘మ‌ళ్లీ మ‌ళ్ళీ ఇదిరాని రోజు’ వంటి సినిమాల‌తో టాలీవుడ్‌లో త‌న‌కంటూ ప్ర‌త్యేక గుర్తింపు ఏర్ప‌ర‌చుకుంది. ఇటీవ‌లే ‘భీమ్లానాయ‌క్‌’లో ప‌వ‌న్ భార్య‌గా అద్భుత‌మైన న‌ట‌న‌ను క‌న‌బ‌రిచింది. ఇదిలా ఉంటే గ‌త కొన్ని రోజులుగా ఈమె పెళ్ళిపై సోష‌ల్ మీడియాలో వార్తలు వ‌స్తున్న విష‌యం తెలిసిందే. మ‌ల‌యాళ న‌టుడితో నిత్య ప్రేమ‌లో ఉన్న‌ట్లు, త్వ‌ర‌లోనే అత‌డిని పెళ్ళి చేసుకోబోతున్న‌ట్లు వార్త‌లు నెట్టింట్లో తెగ వైర‌ల్ అవుతున్నాయి. తాజాగా వీటిపై నిత్య‌మీన‌న్ స్పందించింది.

త‌న వివాహం గురించి వ‌చ్చిన వార్త‌ల్లో నిజంలేద‌ని, ఏ విష‌య‌మైనా నిజం అని తెలిసాకే మీడియాలో ప‌బ్లిష్ చేయాల‌ని చెప్పింది. అంతేకాకుండా పెళ్ళి చేసుకునే ఉద్ధేశ‌మే ఉంటే త‌నే స్వ‌యంగా చెబుతాన‌ని తెలిపింది. ఈ విధంగా త‌న పెళ్ళిపై వ‌స్తున్న‌ వార్త‌ల‌ను నిత్యమీన‌న్‌ ఖండించింది. సినిమాల విష‌యానికొస్తే ప్ర‌స్తుతం నిత్య న‌టించిన ‘తిరుచిత్రంబ‌లం’ విడుద‌ల‌కు సిద్ధంగా ఉంది. ధ‌నుష్ హీరోగా న‌టించిన ఈ చిత్రంలో రాశీఖ‌న్నా, ప్రియా భ‌వాని శంక‌ర్‌లు ప్ర‌ధాన పాత్ర‌ల్లో న‌టించారు. దీనితో పాటుగా విజ‌య్ సేతుప‌తితో ’19(1)a’, షైన్ టామ్‌ చాకోతో ‘ఆరామ్ తిరుక‌ల్ప‌న’ సినిమాల్లో న‌టించింది. ఈ రెండు కూడా షూటింగ్ పూర్తి చేసుకున్నాయి.