Ajith Kumar | రేసింగ్ ట్రాక్‌పై స్టార్ హీరో దూకుడు.. కొత్త టీమ్‌తో హ‌ల్‌చ‌ల్..!

Ajith Kumar : కోలీవుడ్ సూప‌ర్ స్టార్ అజిత్ కుమార్ (Ajith Kumar) అంటే యాక్ష‌న్ సినిమాలే కాదు రేస‌ర్‌గా అత‌డి బైక్ విన్యాసాలు గుర్తుకొస్తాయి. స్పోర్ట్స్ బండిని రయ్‌మంటూ రాకెట్ స్పీడ్‌తో ఉరికించ‌డ‌మంటే అత‌డికి మ‌హా స‌ర‌దా. ఇప్ప‌టివ‌ర‌కూ రేస‌ర్‌గానే మ‌నంద‌రికి తెలిసిన ఈ స్టార్ హీరో కారు రేసింగ్‌లోకి మ‌రో ముందుడుగు వేశాడు.

September 28, 2024 / 07:57 PM IST

Ajith Kumar | రేసింగ్ ట్రాక్‌పై స్టార్ హీరో దూకుడు.. కొత్త టీమ్‌తో హ‌ల్‌చ‌ల్..!

Ajith Kumar : కోలీవుడ్ సూప‌ర్ స్టార్ అజిత్ కుమార్ (Ajith Kumar) అంటే యాక్ష‌న్ సినిమాలే కాదు రేస‌ర్‌గా అత‌డి బైక్ విన్యాసాలు గుర్తుకొస్తాయి. స్పోర్ట్స్ బండిని రయ్‌మంటూ రాకెట్ స్పీడ్‌తో ఉరికించ‌డ‌మంటే అత‌డికి మ‌హా స‌ర‌దా. స్వ‌త‌హాగా రేస‌ర్ అయిన అజిత్ షూటింగ్ నుంచి కాస్త విరామం దొరికితే చాలు బైక్ , కారుఎక్కేసి లాంగ్ డ్రైవ్‌ల‌కు వెళుతుంటాడు. ఇప్ప‌టివ‌ర‌కూ రేస‌ర్‌గానే మ‌నంద‌రికి తెలిసిన ఈ స్టార్ హీరో కారు రేసింగ్‌లోకి మ‌రో ముందుడుగు వేశాడు.

ఈమ‌ధ్యే అజిత్ సొంతంగా ‘అజ‌త్ కుమార్ రేసింగ్’ అనే పేరుతో టీమ్‌ను ప్రారంభించాడు. పాపుల‌ర్ రేసింగ్ డ్రైవ‌ర్ అయిన ఫాబియ‌న్ డ‌ఫ్లెక్స్ (Fabien Duffleux) అజిత్ జ‌ట్టు త‌ర‌ఫున బ‌రిలోకి దిగ‌నున్నాడు. త్వ‌ర‌లో జ‌రుగ‌బోయే 24 గంట‌ల‌ యూరోపియ‌న్ సిరీస్ పోర్షే 992 జీటీ3 క‌ప్ విభాగంలో అజిత్ రేసింగ్ టీమ్ పోటీ ప‌డ‌నుంది.

Ajith Kumar Racing 🏁

We are proud to announce the beginning of a new exciting adventure: Ajith Kumar Racing 🏁

Fabian Duffieuxwill be the official racing driver 🔥

And the amazing news? Aside of being a team owner, Ajith Kumar is back in the racing seat!

Ajith is among very… pic.twitter.com/KiFELoBDtO

— Suresh Chandra (@SureshChandraa) September 27, 2024

ఓవైపు సినిమాల‌తో మ‌ల‌యాళ‌, తెలుగు అభిమానులను అల‌రిస్తూనే అజిత్ రేసింగ్‌ను కొన‌సాగిస్తున్నాడు. గ‌తంలో అత‌డు ఎఫ్ఐఏ (ఫెడ‌రేష‌న్ ఆఫ్ ఇంట‌ర్నేష‌న‌ల్ ఆటోమొబైల్) పోటీల్లో పాల్గొన్నాడు. 2004లో జ‌రిగిన ఆసియా బీఎండ‌బ్ల్యూ ఎఫ్ 3 చాంపియ‌న్‌షిప్స్‌లోనూ అజిత్ ర‌య్‌మంటూ దూసుకెళ్లాడు.

వ‌చ్చే ఏడాది జ‌న‌వ‌రిలో

అజిత్ తాజాగా ‘గుడ్ బ్యాడ్ అగ్లీ'(Good Bad Ugly) అనే సినిమాలో న‌టిస్తున్నాడు. త్రిష హీరోయిన్‌. యాక్ష‌న్, కామెడీ క‌ల‌గ‌ల‌సిన ఈ చిత్రానికి అధిక్‌ ర‌విచంద్ర‌న్ ద‌ర్శ‌కుడు. దాదాపు షూటింగ్ పూర్తికావొచ్చిన‌ ఈ సినిమా వ‌చ్చే ఏడాది జ‌న‌వ‌రిలో ప్రేక్ష‌కుల ముందుకు రానుంది. ఇక తెలుగులో డ‌బ్ అయిన ‘జోడీ’, ‘వ‌లిమై’, ‘విశ్వాసం’, ‘ఎంత‌వాడుగానీ’.. వంటి చిత్రాలు అజిత్‌ను తెలుగు అభిమానుల‌కు ద‌గ్గ‌ర చేశాయి.