Visit:
Aamir Khan | బాలీవుడ్ స్టార్‌ హీరో అమీర్‌ ఖాన్‌ (Aamir Khan) గతేడాది రిలీజైన లాల్ సింగ్ చడ్డా సినిమా తర్వాత కొత్త సినిమా ఏం ప్రకటించలేదని తెలిసిందే. లాంగ్ గ్యాప్ తర్వాత మళ్లీ కొత్త సినిమా అప్‌డేట్ అందించి మూవీ లవర్స్‌, అభిమానులను ఖుషీ చేస్తున్నాడు అమీర్ఖాన్. సిల్వర్ స్క్రీన్‌పై మళ్లీ మెరిసేందుకు రెడీ అవుతున్నాడు. ప్రయోగాలు చేయడంలో ఎప్పుడూ ముందుండే అమీర్ఖాన్ మరి ఈ సారి ఎలాంటి స్టోరీతో రాబోతున్నాడోనని ఇండస్ట్రీ సర్కిల్‌లో జోరుగా చర్చ నడుస్తోంది. తాజాగా దీనిపై ఇంట్రెస్టింగ్ అప్‌డేట్ బీటౌన్‌ సర్కిల్‌లో రౌండప్ చేస్తోంది.
లేటెస్ట్ టాక్ ప్రకారం అమీర్ఖాన్ బయోపిక్‌లో నటించనున్నాడు. పాపులర్ లాయర్ ఉజ్వల్‌ నికమ్‌ బయోపిక్‌లో కనిపించబోతున్నాడట. ఇండియాలో సంచనం సృష్టించిన హత్య, ఉగ్రవాద కేసులను సక్సెస్‌ఫుల్‌గా వాదించిన లాయర్‌గా ఉజ్వల్‌ నికమ్‌కు పేరుంది. 1993లో బాంబే పేలుళ్ల నిందితుల విచారణలో సహకారం అందించారు. గుల్షన్‌ కుమార్ హత్య కేసు, ప్రమోద్ మహాజన్ హత్య కేసుతోపాటు 2008 ముంబై దాడుల కేసులను కూడా ఉజ్వల్‌ నికమ్‌ హ్యాండిల్‌ చేశారు. మొత్తానికి ఈ సారి అమీర్‌ ఖాన్‌ లా కోటు ధరించబోతున్నాడన్న అప్‌డేట్‌పై త్వరలో ఏదైనా అధికారిక ప్రకటన వస్తుందేమో చూడాలంటున్నారు సినీ జనాలు.
కొత్త ప్రాజెక్ట్‌ను హోంబ్యానర్ అమీర్ఖాన్ ప్రొడక్షన్స్‌ (Aamir Khan Productions)లో తెరకెక్కించనున్నాడు. ఈ చిత్రం 2024 జనవరిలో సెట్స్‌పైకి వెళ్లనుండగా.. డిసెంబర్ 20న విడుదల కానుంది. అమీర్‌ ఖాన్‌ నటించిన దంగల్‌, పీకే, 3 ఇడియట్స్‌, గజిని క్రిస్మస్‌ సీజన్‌లో విడుదలై బ్లాక్ బస్టర్‌ హిట్స్‌గా నిలిచాయని తెలిసిందే. ఇప్పుడు మరోసారి క్రిస్మస్‌ సీజన్‌పై కన్నేసి ఎలాగైనా హిట్టు కొట్టాలని చూస్తున్నట్టు తాజా అప్‌డేట్‌తో చెబుతోంది. ప్రొడక్షన్‌ నంబర్ 16గా రాబోతున్న ఈ సినిమాకు రాబోయే రోజుల్లో పూర్తి వివరాలు వెల్లడించనున్నారు మేకర్స్‌.
తరణ్‌ ఆదర్శ్‌ ట్వీట్..
#Xclusiv… AAMIR KHAN LOCKS CHRISTMAS 2024 FOR NEXT FILM… Aamir Khan Productions’ Prod No. 16 [not titled yet],
starring #AamirKhan in the lead role, to release on 20 Dec 2024 #Christmas2024.Pre-production of the film is ongoing and the film goes on floors on 20 Jan 2024…… pic.twitter.com/wAMIvPL60D
— taran adarsh (@taran_adarsh) August 29, 2023
