పన్నెండో మనిషి

మలయాళ చిత్రసీమలో హీరో మోహన్‌లాల్‌, దర్శకుడు జీతుజోసెఫ్‌లది విజయవంతమైన కాంబినేషన్‌గా అభివర్ణించవచ్చు. వీరిద్దరి కలయికలో వచ్చిన ‘దృశ్యం’, ‘దృశ్యం-2’ చిత్రాలు ప్రేక్షకాదరణను చూరగొన్నాయి. ప్రస్తుతం జీతు జోసెఫ్‌తో దర్శకత్వంలో మోహన్‌లాల్‌ హీరోగా నటిస్తున్న ‘రామ్‌’ సినిమా చిత్రీకరణ దశలో ఉంది. తాజాగా ఈ కాంబినేషన్‌లో నాలుగో సినిమా రాబోతున్నది. జీతు జోసెఫ్‌తో ‘12th మ్యాన్‌’ పేరుతో మరో సినిమా చేయనున్నట్లు సోమవారం మోహన్‌లాల్‌ ట్విట్టర్‌ ద్వారా ప్రకటించారు. కొత్త పోస్టర్‌ను విడుదలచేశారు. ఇందులో చీకట్లో ఓ కాటేజీలోకి నడుస్తూ మోహన్‌లాల్‌ కనిపిస్తున్నారు. అతడి ముఖం కనిపించకుండా ఆసక్తికరంగా ఈ పోస్టర్‌ను తీర్చిదిద్దారు. త్వరలో ఈ చిత్రం సెట్స్‌పైకి రానున్నది.