4.8 లక్షలకే ఈవీ కారు

దేశీయ మార్కెట్లోకి చౌకైన ఎలక్ట్రిక్‌ కారు అందుబాటులోకి వచ్చింది. ప్రముఖ ఈవీల తయారీ సంస్థ పీఎంవీ ఎలక్ట్రిక్‌ రూ.4.79 లక్షల విలువైన మైక్రో ఈవీ కారును పరిచయం చేసింది.

• మార్కెట్లోకి పీఎంవీ మోడల్‌

న్యూఢిల్లీ, నవంబర్‌ 17:దేశీయ మార్కెట్లోకి చౌకైన ఎలక్ట్రిక్‌ కారు అందుబాటులోకి వచ్చింది. ప్రముఖ ఈవీల తయారీ సంస్థ పీఎంవీ ఎలక్ట్రిక్‌ రూ.4.79 లక్షల విలువైన మైక్రో ఈవీ కారును పరిచయం చేసింది. ఈ ధర తొలి 10 వేల మంది బుకింగ్‌ చేసుకున్న కస్టమర్లకు మాత్రమే వర్తించనున్నదని, ఆ తర్వాత బుకింగ్‌లపై ధర అధికంగా ఉంటుందని తెలిపింది. ఇప్పటికే ఈ వాహనం కోసం 6 వేల బుకింగ్‌లు వచ్చాయని, మరో 4 వేలకు మాత్రమే ఈ ధర వర్తించనున్నదని కంపెనీ వర్గాలు వెల్లడించాయి. ఈ మోడల్‌తోపాటు మరో రెండు మోడళ్ళను విడుదల చేసింది. వీటి ధర రూ.6.79 లక్షలు, రూ.7.79 లక్షల స్థాయిలో ఉన్నది.

• ఒక్కసారి రీచార్జితో 120-200 కిలోమీటర్ల వరకు ప్రయాణించవచ్చును.
• గంటకు 70 కిలోమీటర్ల వేగంతో ప్రయాణించే ఈ కారు బ్యాటరీ 3-4 గంటల్లో పూర్తిగా చార్జి కానున్నది.
• ఇద్దరు పెద్దవాళ్లు, ఒక్కరు పిల్లవారు కూర్చోవడానికి వీలుంటుంది.
• డ్రైవర్‌సైడ్‌ ఎయిర్‌ బ్యాగ్‌ కూడా ఉన్నది. ఏసీ, డిజిటల్‌ ఇన్‌స్ట్రూమెంట్‌ క్లస్టర్‌, టచ్‌స్క్రీన్‌, రిమోట్‌ పార్క్‌ అసిస్ట్‌, రిమోట్‌ హార్న్‌ వంటి ఫీచర్స్‌ ఉన్నాయి.