TCS Salary Hike | టీసీఎస్‌ ఉద్యోగులకు శుభవార్త.. త్వరలో జీతాలు పెంచనున్న సంస్థ..!

TCS Salary Hike | దేశీయ అతిపెద్ద ఐటీ సేవల సంస్థ టీసీఎస్‌ తన ఉద్యోగులకు అదిరిపోయే శుభవార్త అందించింది. సంస్థలోని ఉద్యోగులకు జీతాలు పెంచాలని యోచిస్తోంది (TCS Salary Hike).

TCS Salary Hike | ఆర్థిక మాంద్యం భయాలతో ప్రస్తుతం ఐటీ రంగం తీవ్ర ఒడిదుడుకుల్లో ఉంది. చిన్నా పెద్దా తేడా లేకుండా అన్ని సంస్థలూ తమ ఉద్యోగులను (employees) ఎడాపెడా పీకి పారేస్తున్నాయి. దీంతో ఐటీ ఉద్యోగులు తీవ్ర ఆందోళన చెందుతున్నారు. తాము పనిచేస్తున్న సంస్థ నుంచి ఎప్పుడు ఎలాంటి వార్త వినాల్సొస్తుందో అన్న భయం నెలకొంది. ఇలాంటి పరిస్థితుల్లో దేశీయ అతిపెద్ద ఐటీ సేవల సంస్థ టీసీఎస్‌ తన ఉద్యోగులకు అదిరిపోయే శుభవార్త అందించింది. సంస్థలోని ఉద్యోగులకు జీతాలు పెంచాలని యోచిస్తోంది (TCS Salary Hike). ఈ మేరకు సంబంధిత వర్గాలు వెల్లడించినట్లుగా ‘బిజినెస్‌ స్టాండర్డ్‌’ కథనం ప్రచురించింది.

ఆ కథనం ప్రకారం.. టాటా కన్సల్టెన్సీ సర్వీసెస్ (Tata Consultancy Services ) 2024- 25 ఆర్థిక సంవత్సరంలో సంస్థలో పనిచేస్తున్న ఆఫ్ సైట్ ఉద్యోగులకు (offsite employees) సగటున 7- 8 శాతం వేతనాలు పెంచే ఆలోచనలో ఉంది. అలాగే ఆన్ సైట్ ఉద్యోగులకు (onsite employees) ఈసారి 2- 4 శాతం జీతాలు పెంచనున్నట్లు సమాచారం. ఇదే సమయంలో అద్భుతమైన పని తీరు కనబరిచిన ఉద్యోగులకు ఏకంగా 12- 15 శాతం వరకు వేతనం పెంచనున్నట్లు బిజినెస్‌ స్టాండర్డ్‌ తన కథనంలో పేర్కొంది. ఈ వేతన పెంపు ఏప్రిల్‌ 1 నుంచే అమల్లోకి వస్తుందని తెలిపింది.

Also Read..

Indias First Bullet Train | బుల్లెట్‌ రైలుపై కీలక అప్‌డేట్‌.. 2026 నాటికి అందుబాటులోకి వస్తుందన్న రైల్వే మంత్రి

Couple Thrashed | షాకింగ్‌.. ఇంటి ముందు కారు పార్క్‌ చేశారని దంపతులపై దాడి.. VIDEO

SS Rajamouli | జపాన్‌లో రాజమౌళికి అరుదైన గౌరవం.. ప్రత్యేక గిఫ్ట్‌ ఇచ్చిన 83 ఏళ్ల వృద్ధురాలు