Silver, gold Prices | రూ.2,000 తగ్గిన బంగారం ధర.. రూ.11,000 తగ్గిన వెండి.. 10 గ్రాముల బంగారం ధర ఎంతంటే

Silver, gold Prices | భారతీయ మార్కెట్లో బంగారం, వెండి ధరలు భారీగా తగ్గాయి. ఢిల్లీతోపాటు పలు పట్టణాల్లో ఏకంగా నాలుగు శాతం వరకు తగ్గుదల కనిపించింది. బంగారం ధరలు రూ.2,000 (1.21 శాతం) వరకు తగ్గాయి.

Silver, gold Prices | భారతీయ మార్కెట్లో బంగారం, వెండి ధరలు భారీగా తగ్గాయి. ఢిల్లీతోపాటు పలు పట్టణాల్లో ఏకంగా నాలుగు శాతం వరకు తగ్గుదల కనిపించింది. బంగారం ధరలు రూ.2,000 (1.21 శాతం) వరకు తగ్గాయి. వెండి కిలో ధర రూ.11,000 (3.97 శాతం) తగ్గింది. 99.9 శాతం స్వచ్ఛత కలిగిన 10 గ్రాముల బంగారం ధర శుక్రవారం రూ.1,63,200కు చేరింది.

అంతకుముందు రోజు దీని ధర రూ.1,65,200గా ఉంది. ఇక వెండి కిలో నేడు రూ.2.65 లక్షలు పలికింది. గురువారం వెండి కిలో ధర రూ.2,76,500గా ఉంది. అమెరికా డాలర్ విలువ పెరగడం, ద్రవ్య సడలింపులకు సంబంధించి మారుతున్న అంచనాలతో దేశీయంగా బంగారం ధరలు ఒత్తిడిని ఎదుర్కొన్నాయి. అలాగే ఇరాన్ సంక్షోభం, క్రూడాయిల్ పెరుగుదల, ద్రవ్యోల్బణం భయం కారణంగా సెంట్రల్ బ్యాంకులు మరికొంత కాలం కఠిన వైఖరి ఎదుర్కోక తప్పదు. ప్రస్తుతం నెలకొన్న యుద్ధ సంక్షోభం తొలగిపోతే మార్కెట్ మరింత చక్కబడుతుందని విశ్లేషకులు అంచనా వేస్తున్నారు.

అంతర్జాతీయ మార్కెట్లో కూడా వెండి ధరలు దాదాపు ఒక శాతం తగ్గాయి. ప్రస్తుతం ఔన్స్ వెండి ధర 83.14 డాలర్ల వద్ద ట్రేడవుతోంది. బంగారం ధర మాత్రం స్వల్పంగా పెరిగింది. అంతర్జాతీయంగా ఒక ఔన్స్ ధర 5,088 డాలర్ల వద్ద ట్రేడవుతోంది.