Visit:
Samsung Galaxy M15 5G | దక్షిణ కొరియా ఎలక్ట్రానిక్ మేజర్ శాంసంగ్ (Samsung) నుంచి మరో బడ్జెట్ ఫ్రెండ్లీ స్మార్ట్ ఫోన్ వచ్చింది. శాంసంగ్ గెలాక్సీ ఎం15 5జీ ప్రైమ్ (Samsung Galaxy M15 5G) ఫోన్‌ను భారత్ మార్కెట్లో ఆవిష్కరించింది. గత ఏప్రిల్ ఆవిష్కరించిన శాంసంగ్ గెలాక్సీ ఎం15 5జీ ఫోన్ మాదిరిగానే ఉంటుందీ ఫోన్. మీడియాటెక్ డైమెన్సిటీ 6100 + ప్రాసెసర్ తో పని చేస్తుంది. 8 జీబీ ర్యామ్, 6000 ఎంఏహెచ్ కెపాసిటీ గల బ్యాటరీతో ఉంటుంది. 50-మెగా పిక్సెల్ ట్రిపుల్ రేర్ కెమెరా, సెల్ఫీలూ వీడియో కాల్స్ కోసం 13-మెగా పిక్సెల్ సెన్సర్ కెమెరా ఉంటాయి. ఆండ్రాయిడ్ 14 ఓఎస్ వర్షన్ పై పని చేస్తుంది. నాలుగేండ్ల పాటు ఓఎస్ అప్ డేట్స్ అందిస్తుంది.
శాంసంగ్ గెలాక్సీ ఎం15 5జీ ప్రైమ్ ఎడిషన్ (Samsung M15 5G Prime Edition) ఫోన్ 4 జీబీ ర్యామ్ విత్ 128 జీబీ స్టోరేజీ వేరియంట్ రూ.10,999, 6 జీబీ ర్యామ్ విత్ 128 జీబీ స్టోరేజీ వేరియంట్ రూ.11,499, 8 జీబీ ర్యామ్ విత్ 128 జీబీ స్టోరేజీ వేరియంట్ రూ.13,499 పలుకుతుంది. అమెజాన్, శాంసంగ్ ఇండియా వెబ్ సైట్లలో ఈ ఫోన్లు లభిస్తాయి. బ్లూ టోపాజ్, సెలెస్టియల్ బ్లూ, స్టోన్ గ్రే కలర్ ఆప్షన్లతో అందుబాటులో ఉంది.
శాంసంగ్ గెలాక్సీ ఎం15 5జీ ప్రైమ్ ఎడిషన్ (Samsung M15 5G Prime Edition) ఫోన్ 90 హెర్ట్జ్ రీఫ్రెష్ రేటుతోపాటు 6.5 అంగుళాల ఫుల్ హెచ్డీ+ (1080×2340 పిక్సెల్స్) సూపర్ అమోలెడ్ డిస్ ప్లే కలిగి ఉంటుంది. మీడియాటెక్ డైమెన్సిటీ 6100+ ప్రాసెసర్ తో పనిచేస్తుంది. ఆండ్రాయిడ్ 14 బేస్డ్ వన్ యూఐ 6.0 వర్షన్ పై పని చేస్తుంది. నాలుగేండ్ల పాటు ఓఎస్ అప్‌డేట్స్, ఐదేండ్ల పాటు సెక్యూరిటీ అప్ డేట్స్ అందిస్తామని శాంసంగ్ వెల్లడించింది. 50-మెగా పిక్సెల్ ప్రైమరీ సెన్సర్ కెమెరా, 5-మెగా పిక్సెల్ సెన్సర్ కెమెరా, 2-మెగా పిక్సెల్ సెన్సర్ కెమెరా, సెల్ఫీలూ వీడియో కాల్స్ కోసం 13 మెగా పిక్సెల్ సెన్సర్ కెమెరా ఉంటాయి.
వాయిస్ కాల్ క్లారిటీ కోసం ‘నాక్స్ సెక్యూరిటీ, క్విక్ షేర్ ఫీచర్స్, వాయిస్ ఫోకస్’ వంటి ఫీచర్లతో వస్తోంది. సెక్యూరిటీ కోసం సైడ్ మౌంటెడ్ ఫింగర్ ప్రింట్ సెన్సర్ ఉంటాయి. 5జీ, 4జీ ఎల్టీఈ, జీపీఎస్, బ్లూటూత్ 5.3, యూఎస్బీ టైప్ సీ పోర్ట్, 3.5 ఎంఎం ఆడియో జాక్ కనెక్టివిటీ కలిగి ఉంటుంది.
