Samsung Galaxy F15 5G | శాంసంగ్ గెలాక్సీ ఎఫ్15 జీ ఫోన్ ఆవిష్కరణ.. ఇవీ స్పెషికేషన్స్..!

Samsung Galaxy F15 5G | దక్షిణ కొరియా ఎలక్ట్రానిక్స్ మేజర్ శాంసంగ్ (Samsung) తన శాంసంగ్ గెలాక్సీ ఎఫ్15 5జీ ఫోన్‭ను భారత్ మార్కెట్లో సోమవారం ఆవిష్కరించింది.

దక్షిణ కొరియా ఎలక్ట్రానిక్స్ మేజర్ శాంసంగ్ (Samsung) తన శాంసంగ్ గెలాక్సీ ఎఫ్15 5జీ (Samsung Galaxy F15 5G) ఫోన్‭ను భారత్ మార్కెట్లో సోమవారం ఆవిష్కరించింది. 90 హెర్ట్జ్ రీఫ్రెష్ రేటుతోపాటు అమోలెడ్ స్క్రీన్‌తోపాటు మీడియాటెక్ డైమెన్సిటీ 6100+ ఎస్వోసీతో వచ్చింది. మూడు వేర్వు కలర్ ఆప్షన్లతోపాటు రెండు రోజుల బ్యాటరీ బ్యాకప్ సామర్థ్యంతో వచ్చింది.శాంసంగ్ గెలాక్సీ ఎఫ్15 5జీ ఫోన్ (Samsung Galaxy F15 5G) 4జీబీ ర్యామ్ విత్ 128 జీబీ స్టోరేజీ వేరియంట్ రూ.12,999, 6 జీబీ ర్యామ్ విత్ 128 జీబీ స్టోరేజీ వేరియంట్ రూ.14,499లకు లభిస్తుంది. యాష్ బ్లాక్, గ్రోవీ వయోలెట్, జాజీ గ్రీన్ కలర్ ఆప్షన్లలో అందుబాటులో ఉంటుంది. ఈ-కామర్స్ జెయింట్ ఫ్లిప్‌కార్ట్, శాంసంగ్ ఇండియా వెబ్‌సైట్‌ల్లో సోమవారం సాయంత్రం ఏడు గంటల నుంచి ప్రారంభం అవుతుంది.

శాంసంగ్ గెలాక్సీ ఎఫ్15 5జీ (Samsung Galaxy F15 5G) ఫోన్ ఆండ్రాయిడ్ 14 బేస్డ్ వన్ యూఐ 5 వర్షన్‌పై పని చేస్తుంది. ఐదేండ్లు సెక్యూరిటీ అప్‌డేట్స్, నాలుగేండ్లు ఓఎస్ అప్ డేట్స్ అందిస్తుంది శాంసంగ్. 6.5-అంగుళాల ఫుల్ హెచ్డీ + (1080×2340 పిక్సెల్స్) సూపర్ అమోలెడ్ డిస్ ప్లే విత్ 90 హెర్ట్జ్ రీఫ్రెష్ రేట్, ఒక్టాకోర్ మీడియాటెక్ డైమెన్సిటీ 6100+ చిప్ సెట్ కలిగి ఉంటుంది. శాంసంగ్ గెలాక్సీ ఎఫ్15 5జీ ఫోన్ (Samsung Galaxy F15 5G) ట్రిపుల్ రేర్ కెమెరా సెటప్‌తో వస్తుంది. 50-మెగా పిక్సెల్స్ సెన్సర్ కెమెరా, 5-మెగా పిక్సెల్ సెకండరీ కెమెరా, 2-మెగా పిక్సె్ల్ షూటర్ ఉంటుంది. సెల్ఫీలూ వీడియో కాల్స్ కోసం 13-మెగా పిక్సెల్స్ సెన్సర్ కెమెరా ఉంటుంది. 128 జీబీ స్టోరేజీ వేరియంట్ ఫోన్‌లో ఒక టిగా బైట్స్ వరకూ స్టోరేజీ కెపాసిటీ పెంచుకోవచ్చు.

శాంసంగ్ గెలాక్సీ ఎఫ్15 5జీ (Samsung Galaxy F15 5G) ఫోన్ వై-ఫై 02.11 ఏ/ బీ / జీ / ఎన్ / ఏసీ, బ్లూటూత్ 5.3, జీపీఎస్, 3.5 ఎంఎం హెడ్ ఫోన్ జాక్, యూఎస్బీ టైప్ -సీ పోర్ట్, యాక్సెలరో మీటర్, గైరో సెన్సర్, జియో మ్యాగ్నటిక్ సెన్సర్, లైట్ సెన్సర్, వర్చువల్ ప్రాగ్జిమిటీ సెన్సర్, బయో మెట్రిక్ అథంటికేషన్ కోసం ఫింగర్ ప్రింట్ సెన్సర్ ఫీచర్లు ఉంటాయి. 6000 ఎంఏహెచ్ కెపాసిటీ గల బ్యాటరీతో వస్తున్న ఈ ఫోన్ సింగిల్ చార్జింగ్‌తో రెండు రోజుల బ్యాటరీ లైఫ్, 25 గంటల వీడియో ప్లే బ్యాక్ టైం కలిగి ఉంటుందని శాంసంగ్ తెలిపింది.