IIIT-NR | ర‌షి న‌యా రికార్డు : రూ. 85 లక్ష‌ల వార్షిక వేత‌నంతో స‌త్తా చాటింది..!

న‌యా రాయ్‌పూర్‌లోని ఇంట‌ర్నేష‌న‌ల్ ఇనిస్టిట్యూట్ ఆఫ్ ఇన్ఫ‌ర్మేష‌న్ టెక్నాల‌జీ (IIIT-NR) బీటెక్‌ విద్యార్ధిని ర‌షి బ‌గ్గా ఇనిస్టిట్యూట్‌లో స‌రికొత్త రికార్డు సృష్టించింది.

రాయ్‌పూర్ : న‌యా రాయ్‌పూర్‌లోని ఇంట‌ర్నేష‌న‌ల్ ఇనిస్టిట్యూట్ ఆఫ్ ఇన్ఫ‌ర్మేష‌న్ టెక్నాల‌జీ (IIIT-NR) బీటెక్‌ విద్యార్ధిని ర‌షి బ‌గ్గా ఇనిస్టిట్యూట్‌లో స‌రికొత్త రికార్డు సృష్టించింది. రూ. 85 ల‌క్ష‌ల వార్షిక వేత‌నంతో జాబ్ ఆఫ‌ర్‌ను సొంతం చేసుకున్న రషి ఈ ఏడాది అధిక వేత‌న ఆఫ‌ర్‌  రికార్డుల‌ను తిర‌గ‌రాసింది. ఐఐఐటీ-ఎన్ఆర్‌లో అత్య‌ధిక వేత‌న ప్యాకేజ్‌ను సాధించి ఆమె స‌త్తా చాటింది.

ర‌షి బగ్గాకు ఇప్ప‌టికే హాట్ ఆఫ‌ర్ ల‌భించినా జాబ్ మార్కెట్‌లో త‌న అదృష్టాన్ని ప‌రీక్షించుకునేందుకు ఆమె ప‌లు ఇంట‌ర్వ్యూల‌కు హాజ‌రైంది. దీంతో ఈ రికార్డు బ్రేకింగ్ ఆఫ‌ర్‌ను ద‌క్కించుకుంద‌ని ట్రిపుల్ ఐటీ మీడియా కోఆర్డినేట‌ర్ తెలిపారు. ఈ అరుదైన ఆఫ‌ర్‌కు ముందు ర‌షి అమెజాన్‌లో సాఫ్ట్‌వేర్ డెవ‌ల‌ప‌ర్ ఇంట‌ర్న్‌, బెంగ‌ళూర్‌లో ఇంట్యూట్‌లో ఎస్‌డీఈ ఇంట‌ర్న్‌గా ప‌నిచేసింది.

ఈ ఏడాది జులై నుంచి ఆమె అట్లాసియ‌న్‌లో ప్రోడ‌క్ట్ సెక్యూరిటీ ఇంజ‌నీర్‌గా సేవ‌లందిస్తోంది. ఇక అంత‌కుముందు ఐఐటీ-ఎన్ఆర్ విద్యార్ధిని చింకీ క‌ర్దా గ‌త ఏడాది ఇదే కంపెనీ నుంచి రూ. 57 ల‌క్ష‌ల వేత‌నంతో జాబ్ ఆఫ‌ర్ పొందారు. ఇప్ప‌టి వ‌ర‌కూ ఇదే అత్య‌ధిక ఆఫ‌ర్ కాగా రషి బ‌గ్గా ఆ రికార్డును బ్రేక్ చేశారు. 2020లో ఐఐఐటీ-ఎన్ఆర్ విద్యార్ధి ర‌వి కుష్వ‌హ‌కు ఓ మ‌ల్టీనేష‌న‌ల్ కంపెనీ ఏకంగా రూ. కోటి వార్షిక వేత‌నంతో జాబ్‌ను ఆఫ‌ర్ చేసినా కొవిడ్‌-19 మ‌హ‌మ్మారి కార‌ణంగా ఆ డీల్‌ను అందుకోవ‌డం సాధ్యం కాలేదు.

Read More :

IIT Kanpur | ఐఐటీ కాన్పూర్‌లో రెండు జట్ల మధ్య ఘర్షణ.. కుర్చీలతో కొట్టుకున్న ఆటగాళ్లు.. VIDEO