Electric Bike | ఒక్క రీచార్జ్‌తో 171 కిలోమీటర్లు.. అదిరిపోయే ఎలక్ట్రిక్‌ బైక్‌ వచ్చేసింది!

Electric Bike | ప్రముఖ ఎలక్ట్రిక్‌ వాహన తయారీ సంస్థ ప్యూర్‌ ఈవీ మరో రెండు మోటర్‌సైకిళ్లను దేశీయ మార్కెట్‌కు పరిచయం చేసింది. సింగిల్‌ చార్జింగ్‌తో 171 కిలోమీటర్లు ప్రయాణించే ఈ మోటర్‌సైకిల్‌ను 110 సీసీ సామర్థ్యంతో సంస్థ రూపొందించింది. ఎకోడ్రైఫిట్‌ 350 పేరుతో విడుదల చేసిన ఈ బైకు ధరను రూ.1,29,999గా నిర్ణయించింది.

Electric Bike |  హైదరాబాద్‌, నవంబర్‌ 23: ప్రముఖ ఎలక్ట్రిక్‌ వాహన తయారీ సంస్థ ప్యూర్‌ ఈవీ మరో రెండు మోటర్‌సైకిళ్లను దేశీయ మార్కెట్‌కు పరిచయం చేసింది. సింగిల్‌ చార్జింగ్‌తో 171 కిలోమీటర్లు ప్రయాణించే ఈ మోటర్‌సైకిల్‌ను 110 సీసీ సామర్థ్యంతో సంస్థ రూపొందించింది. ఎకోడ్రైఫిట్‌ 350 పేరుతో విడుదల చేసిన ఈ బైకు ధరను రూ.1,29,999గా నిర్ణయించింది.

3.5 కిలోవాట్‌ లీ-అయాన్‌ బ్యాటరీ కలిగిన ఈ బైకు గంటకు 75 కిలోమీటర్ల వేగంగా దూసుకుపోనున్నదని, రోజువారిగా అత్యధికంగా తిరిగేవారికి ఈ బైకుతో నెలకు రూ.7 వేల వరకు ఆదా కానున్నట్టు కంపెనీ కో-ఫౌండర్‌, సీఈవో రోహిత్‌ వదేరా తెలిపారు. ఇప్పటికే ఈ బైకు దేశవ్యాప్తంగా ఉన్న షోరూంలో అందుబాటులో ఉంచినట్టు, కొనాలనుకునేవారు టెస్ట్‌ డ్రైవ్‌ చేసుకోవచ్చునని చెప్పారు.