Google Maps | లొకేషన్ షేరింగ్ కోసం గూగుల్ మ్యాప్స్‌లో న్యూ ఫీచర్.. అదెలా పని చేస్తుందంటే..?!

Google Maps | సెర్చింజన్ గూగుల్ తన గూగుల్ మ్యాప్స్ లో నేరుగా మీరు లొకేషన్ షేర్ చేసుకునేందుకు వీలుగా కొత్త ఫీచర్ తెచ్చింది.

Google Maps | మనం సుదూర ప్రాంతాలకు వెళుతున్నప్పుడు ఆయా ప్రాంతాలకు వెళ్లే రూట్లు, షార్ట్ కట్ మార్గాలను తెలుసుకోవడానికి సెర్చింజన్ గూగుల్ తన గూగుల్ మ్యాప్స్ (Google Maps) అందుబాటులోకి తెచ్చింది. రూట్ మ్యాప్‌పై రియల్ టైం లొకేషన్ షేరింగ్ వసతులు అందిస్తుంది. గూగుల్ అందించే రియల్ టైం లొకేషన్ చేయాలంటే తప్పనిసరిగా వాట్సా్ప్ వంటి మరో యాప్ మీద ఆధార పడాల్సిందే. ఇక నుంచి ఇటువంటి ఇబ్బందులకు తెర దించుతూ కొత్త ఫీచర్‌ను అందుబాటులోకి తెచ్చింది గూగుల్ మ్యాప్స్. ఈ ఫీచర్ సాయంతో ఏ ఇతర యాప్స్ లేకుండా కేవలం సాధారణ మెసేజ్ తో రియల్ టైం లొకేషన్ షేర్ చేయొచ్చు.

వాట్సాప్‌లో రియల్ టైం లొకేషన్ మెసేజ్ పంపే ఫెసిలిటీలో 15 నిమిషాలు, 8 గంటలు.. సదరు లొకేషన్ షేర్ అవుతుంది. కొత్త ఫీచర్‌లో లొకేషన్ లిమిట్ ఆప్షన్ ఉండొచ్చు. వద్దనుకున్నప్పడు షేరింగ్ ఆప్షన్ నిలిపేయొచ్చు. ఆండ్రాయిడ్ ఫోన్ వినియోగదారుల్లో చాలా మంది వాట్సాప్ యాప్ వాడరు. అటువంటి వారికి ఈ ఫీచర్ ఉపకరిస్తుంది. మీరు లొకేషన్ షేర్ చేయాలన్నా సంబంధిత వ్యక్తి ఫోన్‌లో గూగూల్ మ్యాప్స్ లో లాగిన్ అయి ఉండాలి.