పీపుల్స్‌ ఫెస్టీలో రాష్ట్ర స్టార్టప్‌లు

స్టార్టప్‌లను ప్రోత్సహించడానికి రాష్ట్ర ప్రభుత్వం తీసుకుంటున్న చర్యలు సత్ఫలితాలను ఇస్తున్నాయి. ఇప్పటికే పలు స్టార్టప్‌లో జాతీయ స్థాయిలో సత్తా చాటగా..తాజాగా మరో ఐదు స్టార్టప్‌లు ఇందుకు సిద్ధమయ్యాయి. దేశ రాజధాని న్యూఢిల్లీ వేదికగా ఈ నెల 28 నుంచి డిసెంబర్‌ 2 వరకు జరగనున్న ప్రతిష్ఠాత్మక కార్యక్రమం ‘పీపుల్స్‌ ఫెస్టివల్‌ ఆఫ్‌ ఇన్నోవేషన్స్‌(పీఎఫ్‌ఐ 2023)లో ప్రదర్శించేందుకుగాను గ్రామీణ ప్రాంతాలకు చెందిన 5 స్టార్టప్‌లు ఎంపికయ్యాయి.

• ఎంపికైన ఐదు గ్రామీణ ఆవిష్కరణలు

హైదరాబాద్‌ సిటీబ్యూరో, నవంబర్‌ 23 (నమస్తే తెలంగాణ): స్టార్టప్‌లను ప్రోత్సహించడానికి రాష్ట్ర ప్రభుత్వం తీసుకుంటున్న చర్యలు సత్ఫలితాలను ఇస్తున్నాయి. ఇప్పటికే పలు స్టార్టప్‌లో జాతీయ స్థాయిలో సత్తా చాటగా..తాజాగా మరో ఐదు స్టార్టప్‌లు ఇందుకు సిద్ధమయ్యాయి. దేశ రాజధాని న్యూఢిల్లీ వేదికగా ఈ నెల 28 నుంచి డిసెంబర్‌ 2 వరకు జరగనున్న ప్రతిష్ఠాత్మక కార్యక్రమం ‘పీపుల్స్‌ ఫెస్టివల్‌ ఆఫ్‌ ఇన్నోవేషన్స్‌(పీఎఫ్‌ఐ 2023)లో ప్రదర్శించేందుకుగాను గ్రామీణ ప్రాంతాలకు చెందిన 5 స్టార్టప్‌లు ఎంపికయ్యాయి. గ్రామీణ ఆవిష్కర్తలను ప్రోత్సహించడమే లక్ష్యంగా రాష్ట్ర ప్రభుత్వం ఏర్పాటు చేసిన తెలంగాణ స్టేట్‌ ఇన్నోవేషన్‌ సెల్‌(టీఎస్‌ఐసీ) విసృతంగా చేపట్టిన కార్యక్రమాల వల్లనే దేశీయ స్థాయిలో ప్రదర్శించడానికి సిద్ధమయ్యాయని టీఎస్‌ఐసీ చీఫ్‌ ఇన్నోవేషన్‌ ఆఫీసర్‌ డాక్టర్‌ శాంత తౌటం తెలిపారు.

ఢిల్లీలో ప్రదర్శనకు ఎంపికైన స్టార్టప్‌లు…

• ఎస్‌కే రాజాలి పాష (సేప్టీ అలర్ట్‌ హెల్మెట్‌ ఫర్‌ ది డెఫ్‌ అండ్‌ డంబ్‌)
• అల్లాడి ప్రభాకర్‌ (హెల్త్‌ బెడ్‌- మల్టీపంక్షనల్‌)
• రాజు ముప్పారపు ( పవర్‌ సేవింగ్‌ స్ట్రీట్‌ లైట్‌ కంట్రోల్‌ ఇన్నోవేషన్‌)
• తేజస్వి వెలుగపల్లి బృందం ( సస్టెయినబుల్‌ స్ట్రీట్‌ వెండింగ్‌ సొల్యూషన్‌, రెడ్యూసెస్‌ వేస్ట్‌)
• ఎం గోపాల్‌ సింగ్‌ ( ఆటోమేటెడ్‌ టైమర్‌ కంట్రోల్స్‌ వాల్యూ ఇన్‌ అగ్రికల్చర్‌ అండ్‌ గ్యాస్‌ సిలిండర్స్‌)