Maruti Suzuki Baleno | ఈ ప్రీమియం హ్యాచ్ బ్యాక్ కారుపై రూ.62,100 డిస్కౌంట్.. అది హ్యుండాయ్ ఐ20.. టాటా ఆల్ట్రోజ్.. టయోటా గ్లాన్జా కాదు.. !

Maruti Suzuki Baleno | ప్రీమియం హ్యాచ్ బ్యాక్ మోడల్ కార్లలో రారాజుగా నిలిచిన మారుతి సుజుకి బాలెనోపై జూన్ నెలలో రూ.62,100 వరకూ డిస్కౌంట్ అందుబాటులో ఉంది.

June 27, 2024 / 09:28 PM IST

Maruti Suzuki Baleno | ఈ ప్రీమియం హ్యాచ్ బ్యాక్ కారుపై రూ.62,100 డిస్కౌంట్.. అది హ్యుండాయ్ ఐ20.. టాటా ఆల్ట్రోజ్.. టయోటా గ్లాన్జా కాదు.. !

Maruti Suzuki Baleno | ప్రస్తుతం దేశీయ మార్కెట్లో ఎస్‌యూవీ కార్లకు ఫుల్ గిరాకీ ఉన్నా, ప్రీమియం హ్యాచ్ బ్యాక్ మోడల్స్ కూడా గణనీయ స్థాయిలోనే అమ్ముడవుతున్నాయి. వాటిల్లో హ్యుండాయ్ ఐ20, టాటా ఆల్ట్రోజ్, టయోటా గ్లాన్జా వంటి కార్లు టాప్ లో నిలిచాయి. సుదీర్ఘ కాలంగా ప్రీమియం హ్యాచ్ బ్యాక్ కార్లలో లీడర్‌గా ఉంది మారుతి సుజుకి బాలెనో. బాలెనో విక్రయాలు పెంచుకునేందుకు మారుతి సుజుకి జూన్ లో భారీ డిస్కౌంట్లు ఆఫర్ చేసింది. బాలెనో మాన్యువల్ ట్రాన్స్ మిషన్ వేరియంట్ మీద రూ.57,100, ఎఎంటీ వేరియంట్ మీద రూ.62,100, సీఎన్జీ వేరియంట్ మీద రూ.47,100 డిస్కౌంట్ అందిస్తోంది. గత ఆర్థిక సంవత్సరంలో అత్యధికంగా అమ్ముడైన కార్లలో రెండో స్థానంలో నిలిచిందీ బాలెనో. 2023-24లో 1,95,607 యూనిట్లు విక్రయించారు. ప్రీమియం హ్యాచ్ బ్యాక్ కార్లలో బాలెనో టాప్ లో నిలిచింది.

వేరియంట్ల వారీగా మారుతి సుజుకి బాలెనో ధర వరలు ఇలా

సిగ్మా ఎంటీ – రూ.6.66 లక్షలు
డెల్టా ఎంటీ – రూ.7.50 లక్షలు
డెల్టా ఏఎంటీ – రూ.8 లక్షలు
డెల్టా ఎంటీ సీఎన్జీ – రూ.8.40 లక్షలు
జెటా ఎంటీ – రూ.8.43 లక్షలు
జెటా ఏఎంటీ – రూ.8.93 లక్షలు
జెటా ఎంటీ సీఎన్జీ – రూ.9.33 లక్షలు
ఆల్ఫా ఎంటీ – రూ.9.38 లక్షలు
ఆల్ఫా ఎఎంటీ – రూ.9.88 లక్షలు

మారుతి సుజుకి బాలెనో 1.2 లీటర్ల డ్యుయల్ జెట్ డ్యుయల్ వీవీటీ పెట్రోల్ ఇంజిన్ తో వస్తోంది. ఈ ఇంజిన్ గరిష్టంగా 89.7 పీఎస్ విద్యుత్, 113 ఎన్ఎం టార్క్ వెలువరిస్తోంది. సీఎన్జీ ఆప్షన్ ఇంజిన్ గరిష్టంగా 77.4 పీఎస్ విద్యుత్, 98.5 ఎన్ఎం టార్క్ వెలువరిస్తున్నది. పెట్రోల్ వేరియంట్ 5-స్పీడ్ మాన్యువల్ ట్రాన్స్ మిషన్, 5-స్పీడ్ ఆటోమేటిక్ ట్రాన్స్ మిషన్, సీఎన్జీ వేరియంట్ 5-స్పీడ్ మాన్యువల్ ట్రాన్స్ మిషన్ ఆప్షన్ తో అందుబాటులో ఉంది.

మారుతి సుజుకి బాలెనో కారు పెట్రోల్ మాన్యువల్ ట్రాన్స్ మిషన్ వేరియంట్.. లీటర్ పెట్రోల్ మీద 22.9 కి.మీ మైలేజీ ఇస్తే, సీఎన్జీ మాన్యువల్ ట్రాన్స్ మిషన్ వేరియంట్ కిలో సీఎన్జీపై 30.61 కి.మీ మైలేజీ అందిస్తోంది.