ఈపీఎఫ్ వడ్డీరేటు 8.15 శాతం
ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్వో) వడ్డీరేటు స్వల్పంగా పెరిగింది. గత ఆర్థిక సంవత్సరానికి (2022-23)గాను 8.15 శాతంగా కేంద్ర ప్రభుత్వం నిర్ణయించింది. అంతకుముందు ఆర్థిక సంవత్సరం (2021-22) ఇది 8.10 శాతంగా ఉన్నది. దీంతో 0.05 శాతం మాత్రమే పెరిగినైట్టెంది.
- గత ఏడాదితో పోల్చితే 0.05 శాతం పెరుగుదల
- ఆర్థికశాఖ ఆమోదం.. ఈపీఎఫ్వో ఉత్తర్వులు
న్యూఢిల్లీ, జూలై 24: ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్వో) వడ్డీరేటు స్వల్పంగా పెరిగింది. గత ఆర్థిక సంవత్సరానికి (2022-23)గాను 8.15 శాతంగా కేంద్ర ప్రభుత్వం నిర్ణయించింది. అంతకుముందు ఆర్థిక సంవత్సరం (2021-22) ఇది 8.10 శాతంగా ఉన్నది. దీంతో 0.05 శాతం మాత్రమే పెరిగినైట్టెంది. కాగా, ఈ ఏడాది మార్చి 28న ఈపీఎఫ్వో ట్రస్టీలు 2022-23కుగాను వడ్డీరేటును 8.15 శాతంగా ప్రతిపాదించారు. దీన్ని కేంద్ర ఆర్థిక మంత్రిత్వ శాఖ ఆమోదానికి పంపగా, అందుకు అనుగుణంగా అనుమతి వచ్చింది. ఈ క్రమంలోనే సోమవారం ఈ మేరకు ఓ అధికారిక ప్రకటన విడుదలైంది. ఇక సభ్యుల ఖాతాల్లో పెరిగిన వడ్డీరేటు ప్రకారం నిధులను జమ చేయాలని ఫీల్డ్ ఆఫీసర్లను ఈపీఎఫ్వో ఆదేశించింది. కాగా, ఈపీఎఫ్వోలో 6 కోట్లకుపైగా ఖాతాదారులున్న విషయం తెలిసిందే.
ఎన్నికల దృష్ట్యానే..
రాబోయే ఎన్నికలను దృష్టిలో పెట్టుకునే ఈపీఎఫ్వో వడ్డీరేటును ఈ మాత్రమైనా మోదీ సర్కారు పెంచిందన్న అభిప్రాయాలు గట్టిగా వినిపిస్తున్నాయిప్పుడు. నిజానికి కేంద్రంలో 2014లో అధికారంలోకి వచ్చిన దగ్గర్నుంచి ఇప్పటిదాకా బీజేపీ ప్రభుత్వం ఈపీఎఫ్వో వడ్డీరేటును 0.60 శాతం తగ్గించింది. 2014-15లో 8.75 శాతంగా ఉండగా, తాజా పెంపుతో ఇప్పుడది 8.15 శాతంగా ఉన్నది. ఇక అంతకుముందు ఆర్థిక సంవత్సరం 2021-22లోనైతే ఏకంగా 44 ఏండ్ల కనిష్ఠాన్ని తాకింది. గరిష్ఠంగా 0.40 శాతం తగ్గించి వడ్డీరేటును 8.10 శాతానికి కేంద్రం పరిమితం చేసింది. 1977-78 తర్వాత ఈపీఎఫ్వో సొమ్ముకు దక్కిన వడ్డీరేట్లలో ఇదే తక్కువ కావడం గమనార్హం. నాడు 8 శాతంగా ఉన్నది.

Read Today's Latest Business News in Telugu and Telugu News
RELATED ARTICLES
తాజా వార్తలు
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
Protein Idly | ఇడ్లీలను ప్రోటీన్లు ఉండేలా ఆరోగ్యకరంగా ఇలా తయారు చేసుకోండి.. ఎంతో రుచిగా ఉంటాయి..
Promotions | టీజీఎస్ ఆర్టీసీ హైదరాబాద్ జోన్లో 63 మంది సిబ్బందికి పదోన్నతులు
‘ఏఐటీయూసీ జాతీయ మహాసభలను జయప్రదం చేయండి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

