న్యూఢిల్లీ : ఈ ఏడాది అంతా కృత్రిమ మేథపైనే వాడివేడి చర్చ సాగింది. చాట్జీపీటీ, బార్డ్, బింగ్ వంటి చాట్బాట్స్ ప్రజల జీవితాలపై పెను ప్రభావం చూపుతున్నాయి. కంటెంట్ రాయడం, మ్యాథ్స్ ప్రాబ్లమ్స్ను సాల్వ్ చేయడం నుంచి సంక్లిష్ట పనులను చక్కబెట్టడం వరకూ చిటికెలో ఏఐ టూల్స్ యూజర్లు నిర్ధేశించిన పనులను క్షణాల్లో చేసేస్తున్నాయి. మైక్రోసాఫ్ట్, గూగుల్ వంటి టెక్ దిగ్గజాలూ ఏఐ చాట్బాట్స్ క్రియేట్ చేయగా ఎలన్ మస్క్ సారధ్యంలోని ట్విట్టర్ సైతం గ్రోక్ ఏఐ పేరుతో ఏఐ టూల్ను తీసుకువచ్చింది. ఇదే రేసులో ఇప్పుడు ఈ-కామర్స్ దిగ్గజం అమెజాన్ గ్రాండ్ ఎంట్రీ ఇచ్చింది.
ఇక ఏఐ ఇప్పుడు పని ప్రదేశాలకూ రానుంది. వ్యాపారాల కోసం, నిర్ణయాలు తీసుకునే క్రమంలో సాయం చేసేందుకు టెక్ దిగ్గజం అమెజాన్ ఇటీవల అమెజాన్ క్యూ(Amazon Q)ను లాంఛ్ చేసింది. ఈ చాట్బాట్ అందరికీ అందుబాటులో ఉండదు. కంపెనీల్లో పనిచేస్తూ ఏఐ ఆధారిత అసిస్టెంట్ సేవలు కోరుకునే ఉద్యోగులకు మాత్రమే అమెజాన్ క్యూ అందుబాటులో ఉంటుంది.
అమెజాన్ క్యూ యూజర్లకు సూపర్ స్మార్ట్ అసిస్టెంట్గా పనిచేస్తుందని, కంటెంట్ క్రియేట్ చేయడం, సమస్యలను పరిష్కరించడం, యూజర్లు కోరిన సమాచారం అందించడం, కంపెనీ డేటాను యాక్సెస్ చేసి తక్షణ సలహాలు అందించడం వంటి సేవలు ఆఫర్ చేస్తుందని కంపెనీ తన వెబ్సైట్లో రాసుకొచ్చింది. తమ న్యూ ఏఐ చాట్బాట్ టాస్క్లను క్రమబద్ధీకరించడం, వేగంగా నిర్ణయాలు తీసుకోవడం, పనిలో సృజనాత్మకత, వినూత్న ఆవిష్కరణలకు సాయపడుతుందని అమెజాన్ పేర్కొంది.
Read More :
Layoffs | వీడియో గేమ్ సాఫ్ట్వేర్ కంపెనీలో కొలువుల కోత : 256 మంది ఉద్యోగులపై యూనిటీ వేటు